Domingu, 16 Maiu 2021 | Login
Positive Covid-19. Positive Covid-19.

Covid-19, Kazu Foun 70, Kazu Ativu Sa’e Ba 641 Featured

DILI:Sala Situasaun Sentru Integradu Jestaun Krize (SIJK) relata ohin loron 18 ekipa konjunta saúde deteta kazu foun na’in 70, nune’e kazu ativu iha izolamentu sa’e ba 641.

Kordenador Forsa Tarefas no Mitigasaun Surtu Covid-19 iha Timor-Leste, Rui Maria de Araujo hatete, kazu foun hirak ne’e iha mane na’in 45 no feto na’in 24.

“Ema ne’ebé hetan sintomas iha na’in 64 (91,4%) no asintomatiku ka la hatudu sintomas hamutuk na’in 4,”dehan nia iha konferensia imprensa (18/04).

Total kazu detetadu foun ohin loron 54 iha 77% mak deteta tanba halo teste ho razaun atu halo viajem ka halo ona viajem ba munisipiu hafoin deteta positivu.

Ho nune’e kazu konfirmadu komulativu hahu husi tinan 2020 to’o ohin loron 18 fulan abril tinan 2021 kazu detetadu hamutuk 1.306.

Entretantu dadus jeral ba loron ohin kazu foun na’in 70 (Dili na’in 65 no na’in 5 husi munisipiu seluk), kazu rekuperadu iha na’in 21 no total kazu ativu hamutuk na’in 641.

Husi horseik (17/04) mai ohin loron 18 fulan abril, Laboratoriu Nasional Saúde halo teste PCR hamutuk na’in 983, ho detalhas hanesan tuir mai ne’e, vijilansia sentinela na’in 18, restreiu ba kontak (contact tracing) na’in 17, restreiu aliatoriu iha na’in 362.

No viajem sai husi serka sanitaria munisipiu Dili iha na’in 566 no mós viajem internasional iha na’in 20.

Enkuantu, dadus mundial Covid-19 kazu foun hamutuk 141.367.633, kazu rekuperadu 120.063.903 no kazu mate hamutuk 3,025,455.

 

Jornalista:Saturnina da Costa

Editor:Jose Sarito Amaral

Read 187 times
Rate this item
(0 votes)