Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé relata ohin, iha Kapital Dili na’in 25, Baucau 27, Manatuto 2, Manufahi 1 no RAEOA 2.

 “Total proporsaun kazu sintomatiku hamutuk pursentu 7,0,”dehan nia iha komunikadu, domingo ohin.

Enkuantu, komulativu kazu konfirmadu hamutuk 8,285.

Husi horseik (12/06) mai ohin, teste PCR ne’ebé Laboratorium Nasional Saúde halo hamutuk 699, kompostu husi  Vijilansia sentinela iha na’in 40, Contact tracing 40, Random Screening 151, Viajen sai husi serka sanitaria Dili 427, Viajen internasional 5 no Follow up husi kuarentena 36.

Total PCR ne’ebé halo horseik (12/06) iha Munisipiu sira, RAEOA no HNGV hamutuk 315, ho detalle hanesan tuir mai, Baucau 82, Maliana 21, Maubisse 70, Suai 33, Vikeke 2, RAEOA 17 no HNGV 91.

Entretantu, iha izolamentu Vera Cruz ohin, halo tratamentu ba kazu detetadu hamutuk na’in 24. Iha area obstetria na’in 5 no mesdisina na’in 19.

Asistente Editor: Saturnina da Costa