Segunda, 25 Outubru 2021 | Login
Diretór ezekutivu CNC, Hugo Maria Fernandes. Foto:Dok. Diretór ezekutivu CNC, Hugo Maria Fernandes. Foto:Dok.

CNC-Assosiasaun Vítima Sei Harii Uma 11 ba Sobrevivente

DILI: Centro Nacional Chega (CNC), servisu hamutuk ho Assosiasaun Vitima, hodi fó apoiu no sei harii  uma 11 ba sobrevivente sira, neebé sai vítima ba konflitu passadu iha Timor-Leste no agora daudaun hela iha munisípiu.

Diretór ezekutivu CNC, Hugo Maria Fernandes, hateten objetivu husi asina kontratu entre CNC ho Assosiasaun vitima, nunee apoia uma ba sobrevivente konflitu passadu  TL nian.

“Ita parseria diak ho Assosiasaun vitima konflitu passadu 1974-1999, tanba nee mak ita realiza asina akordu ida-nee hodi fó apoiu no ita sei harii uma 11 ho naran Uma memória esperansa  ka sobrevivente konflitu passadu Timor-Leste nian iha munisipiu sira,” Hugo Fernanades hateten iha salaun CNC, Balide, Sesta (24/09).

Asina akordu nee liu husi Orsamentu Jerál Estadu (OJE) 2021 nian ho montante $169.000, hodi harii uma  11 nee iha munisipiu sira, no sobrevivente sira neebé mak sai benefisiáriu ba uma memoria esperansa nee, hanesan programa ida neebé mai husi programa reparasaun ba vitima no sobrevivente sira.

Iha fatin hanesan, Kordenador ezekutivu Nasional Asosiasaun Vitima Konflitu Politiku 1974-1999 Domingos Pinto “Atai” informa katak, iha loron 01 fulan Outubru tinan nee, CNC hamutuk ho Asosiasaun Vitima Konflitu Politiku sei harii  uma hamutuk  11 ba iha  munisipiu lima.

“Ita identifika ona iha munisipiu lima mak hanesan Lautém ema na'in tolu, Vikeke ida, Ainaro rua, Covalima ida no Dili ema na'in rua inklui Munisipiu Likisá na'in rua,” nia dehan.

Kona-bá munisipiu sira seluk sei iha prossesu verifikasaun nia laran, tanba uma 11 neebé agora dadaun atu harii nee  identifikadu iha tinan 2020.

Uma sira nee  ho medida 7X9 husi uma 10 no uma ida mak nia medida la hanesan ho sira seluk tanba la prienxe dezeñu, entaun nia medida 5X6, no kada uma ho nia Orsamentu $14.000 no uma ida mak $7.000-resin.

Read 201 times
Rate this item
(0 votes)