TINAN 23 HANOIN HIKAS BA “KONIS SANTANA” NIA MATE
11 DE MARSU 1998 – 11 DE MARSU 2021
CICEKEN NATEN HALUFA’I “ ESPIRITU MORIS NEBE’E ETERNAL”
Gurilheiro, Inspirador, Badinas, Motivador, Rekonsiliador Saudoso Konis Santana husik ona Povu no Rai Timor – Lorosa’e nebe’e nia hadomi liu sasan hotu iha nia vida. Nia luta ba oferta ezistensia Rai Liberdade ida, Povu ida moris livre no hakmatek.
Iha loron ne’e, ohin 11 de Marsu 2021, tinan 23 liu ona, ita hanoin oinsa nia mesak terus to’o mate iha Rai kuak ida… Nia bele mate ona maibe nia espiritu dedikasaun no sakrifiu, nia hanoin nia jestu sei belit metin iha fuan no Memoria sira nebe’e eternal, sai impresaun iha Mundo no Timor – Oan sira.
Iha Liberdade nia laran ema preukupa ba ukun, duni tuir moris diak, kontente no vida luxu nian, ema wain nebe’e bain-bain mos belit iha susar, kuran no halerik ba we, aihan, dalan, uma nsst.
Ohin loron laiha ona funu, funu hasoru lia-los sai lolos karik ita nia ema sira sei, halo polotika vonga malu, sei haterus malu... tansa, tansa!!?? Konta no ezize ba sira foho, we, fatuk no tasi lulik sira nebe’e imi hakur ba! pasado kuda funu nian tenke sai is no espiritu foun ba kontuinidade luta libertasaun Povu nian.
KAKA-LAFAI E TIO DOBEN… konta ho ami iha o nia luta eternal ne’e… maske ami sente lakon buat bo’ot iha ami nia fuan, sente hirus kahur ho tanis... matan we nian turuk akompanha ho hamulak no Orasaun sira ba Aman Maromak Nia Kadunan Santo!
RESPEITU NO MINUTU IHA HAKMATEK BA ITA NIA HEROI…?
Delsio #Dili, 11.03.2021
