Ekipa Cabo-Verde, ne'ebé mak mai husi kontinente Áfrika ne'e, susesu konkista vitoria, iha faze eliminasaun grupu, jogu desportiva CPLP, bainhira ‘hamoe’ nia adversáriu Portugál ho golu 2-0, iha estádiu Munisipál Dili, Kinta-kalan ne'e.
Iha ínisiu jogu abritru fó sinál, Ekipa rua lansa kedan kontra atake ba malu tuir tátika no estilu jogu ne'ebé ekipa ida-idak iha, tuir orientasaun treinadór nian.
Ekipa rua hala'o jogu ho ritmu ne'ebé aas, maibé Portugál ne'ebé hala'o jogu agresivu, nune'e to'o minutu 25 Portugal hetan oprtunidade liu husi sutu livre, maibé sei antisipa ho di'ak husi guarda rede Cabo Verde.
Husi sutu ne'ebé Portugál sempre lansa, Cabo-verde koko rekopera bola hodi sai husi presaun refere, nune'e lansa kedan kontra atake ba liña defensivu Portugál nian, no lansa kedas sutu hodi fó ameasa ba rede Potugal ni’an.
Ekipa Cabo verde ne'ebé halo jogu, ho modelu kontra atake liu husi jogadór mediu parte loos no parte karuk, kombina ho liña klara, hodi kria lansa atake ne’ebé lalais hodi bele produs golu ruma, maibe mehi sira-ne'e seidauk bele realiza.
Enkuantu Portugál ne'ebé mai ho estilu jogu ne'ebé muda bola husi ain-ba-ain iha kampu matak nia leten, maibé Cabo-Verde mai ho estrátejia jogu lansa atake, hodi bele sobu liña defensivu Portugál ni’an.
Husi estilu jogu kontra atake ne'ebé hatudu husi Cabo-Verde, sira konsege aproveita oportunidade hodi lansa ameasa ne’ebé lori perigu ba baliza.
Maske nune’e, esforsu ne'ebé jogador Cabo Verde lansa, konsege hetan oportunidade liu husi nia jagadór, Gonsalves, halo liu lansa sutu kantu, tanba ne'e jogadór António Pedro ho numeru kamizola 7, kabesa bola tama ba rede Potugal nia, nune'e Cabo Verde lidera score 1-0 to’o jogu parte dahuluk termina.
Tama sengudu jogu, Ekipa Cabo-Verde lansa kedan atake ne'ebé masimu hodi fo kedan presaun ba Guarda rede Portugal, maibé guarda rede sei antispa ho di’ak.
Tempu la’o ba oin, ritmu jogu kontinua sa’e liutan, Cabo-verde nafatin halo presaun ba rede Portugal nian, ho ambisaun hakarak aumenta golu, hodi bele asegura vitoria hodi hakat ba final.
Portugal mos hakarak manan jogu ne’e, nune’e Treinadór Portugal halo mudansa jodador, hasai nia jogadór na'in tolu no hatama fali jogadór na'in tolu.
Bainhira halo rotasaun ba jogadór, nune'e jogadór mediu, Samuel ho numeru kamizola 18, halo kontra atake liu husi parte karuk, maibe sei antispa di'ak husi liña defeza Cabo-verde nian no la rezulta golu.
Estádiu munisipál Dili ne'ebé nakonu ho adeptus, sai sasin ba jogu ekipa rua ne'e, enkuantu atmosfera jogu manas liu tan, tanba ba minutu 79 atu termina, jogador Evora ho numeru kamizola 9.
Husi golu ne’e, muda score 2-0, Ekipa Cobo-verde sai hanesan vitória ba jogu ne’e no hatat ba final jogu CPLP ne’ebé sei mai.
