Atual Covid-19: Kazu Foun 23, Rekuperadu 4 Featured

By Saturnina da Costa Marsu 19, 2021 2276
Corona Virus. Foto:Google Corona Virus. Foto:Google

DILI: Sala Situasaun Sentru Integradu Jestaun Krize (SS-SIJK), rezista tan kazu foun Covid-19 hamutuk na’in 23, na’in 22 husi kapital Dili, na’in 1 husi Munisipiu Baucau, nune'e pasiente rekuperadu hamutuk na'in 4.


Kordenador Forsa-Tarefa ba Prevensaun no Mitigasaun Surtu Covid-19, Rui Maria de Araújo informa, Ohin loron 19 fulan-marsu tinan 2021 Sala Situasaun Sentro Integradu Jestaun Krize relata, kazu foun na’in 23, iha mane na’in 8 no feto na’in 15, sira na’in 22 laiha sintomas no na’in 1 iha sintomas.
“Kazu konfirmadu hirak ne’e entre idade tinan 10 to’o 14 iha ema nain 3 no idade tinan 18 to’o 60 iha ema na’in 20,”dehan nia liu husi zoom call, CDD (19/03).
Husi horseik loron 18 to’o ohin loron 19 fulan marsu halo teste laboratorial 543.
Nia esplika, husi kazu foun na’in 23 iha leten, na’in 22 iha munisipiu Dili ho detalla tuir mai:
Kazu positivu 3 kontaktu besik ho professional saude husi cluster Aldeia 05 ho cluster Aldeia saã Miguel, Suku komoro, ne’ebé servisu iha HNGV unidade hemodiálize.
Kazu pozitivu 5 kontaktu besik ho professional saude ida iha cluster Emergency Teotricks and Neonatal Care ne’ebé anunsia iha semana liu ba.
Kazu positivu na’in 7 kontaktu besik ho kazu konfirmadu ida iha BTN 3, Aldeia Tera Santa, Suku Madohi, postu administrativu Cristo Rei.
Kazu positivu 6 kontaktu besik ho kazu konfirmadu ida iha cluster Aldeia Maucocomate, Suku Bekora,Postu Administrativu Cristo Rei, ne’ebé anunsia ona horseik loron 18 fulan marsu.
Kazu positivu 1 kontaktu besik ho kazu konfirmadu ida iha cluster HNGV hela iha Aldeia Auhun Suku Bekora, Postu Administrativu Cristo Rei.
Ho nune’e, kazu detetadu ka pozitivu iha Munisipiu Dili husi loron 7 to’o loron 19 fulan-marsu hamutuk 117.
Iha kazu positivu na’in 1 husi Munisipiu Baucau, kazu konfirmadu positivu ne’ebé deteta ona iha munisipiu Baucau hamutuk na’in 8.
Kazu foun ida ne’e hela iha Aldeia Lamegua, Suku Bahú, Postu Administrativu Baucau Vila, kazu konfirmadu ida ne’e halo viajem husi Dili ba Munisipiu Baucau iha loron 5 fulan marsu.
Kazu konfirmadu ne’e hela iha Dili, iha Aldeia 25 de Abril, Suku Santa Cruz, Postu Administrativu na’in Feto, no oras ne’e dadaun ekipa konjunta saude iha munisipiu Baucau no Dili buka tuir hela kontaktu besik husi kazu ida ne’e.
Ho baze ba informasaun foun ne’ebé ekipa konjunta saúde nian rekolla foku ba cluster kazu positivu 117 iha Dili fahe ba cluster 30, namkari iha instituisaun 4, eventu 1, suku 8, fatin kuarentena 1,iha postu administrativu 3.
Dadus jeral ba loron ohin, kazu foun na’in 23, rekuperadu na’in 4 no atual baixa hamutuk na’in 138.

 

Jornalista: Saturnina da Costa

Editor: Jose Sarito Amaral

Rate this item
(0 votes)
Last modified on Sexta, 19 Marsu 2021 19:54

Independente Digital TV