Ministru Juventude Desportu Arte no Kultura (MJADK), Nelyo Isaac Sarmento hatete, dadaun ne’e delegasaun atleta husi nasaun Portugal maka iha ona TL, maibé nasaun haat hanesan, Áfrika Cabo-Verde, Ángola no Mosambique to’o iha Timor-Leste, iha sabado ne’e, iha tuku 18:00 lorokraik Oras Timor-Leste.

“Agora dadaun delegasaun portugal mak iha ne’e, sira husi Afrika, orsida mak sira to'o iha ne'e. Orsida Aviaun rua ita nia delegasaun husi nasaun Afrika hanesan Ángola, Cavo-Verde no Mosambique, nasaun haat ne’e mak iha oras loraik sei to'o iha Timor-Leste,” dehan Ministru ba Jornalsita sira liu husi Konferénsia imprensa ne'ebé halao iha Salaun Media Center, Sábadu (19/07).

Governante ne'e esplika, delagasaun husi nasaun haat hamutuk na'in 250, Aviaun primeiru sei lori delegasaun haat ho atleta balun sei too iha tuku haat liu oras Timor-Leste, no sira ne’e maka to'o uluk atu partisipa abertura jogu CPLP nian.

Hafoin Aviaun Segundu sei lori deit atleta sira husi Ángola ho Cabo-Verde, tanba nasaun rua ne'e nia delegasaun boot, tanba ne’e aviaun lato'o atu lori sira entaun atu dehan katak sira ne'ebé ho aviun segundu ne'ebé sei too iha Timor-Leste iha tuku 19:00, nune’e sira la iha tempu ona atu tuir seremonia abertura.

"Hau mós hakarak informa katak tanba ho delegasaun husi nasaun Afrika sira sei tun iha Timor tarde ita nia abertura ba jogos CPLP ita maju oituan fali, lolos iha tuku 16:00 maibé muda fali ba 18:00 lorokaraik OTL,”tenik Governante ne’e.

Enkuantu, iha jogu CPLP ba dala-XII ne'ebé realiza iha Timor-Leste, konfirmadu ona katak nasaun tolu hanesan Brazil, Guine-Bisau no Guine-Equatorial sei lapartisipa.

Entretantu, nasaun ne’ebé partisipa iha jogu ne’e maka hanesan, Portugál, Mosambiqque, Angola, São Tomé e Prinsípe, Cabo Verde.

Jogu refere abertura iha loron 19 fulan-Jullu no sei termina iha loron 27 fulan-Jullu tinan ne’e.