Tuir Prezidente ASEMA, Herminada Costa Silva hatete, bazeia ba estadu politikamente liu husi dekretu do Prezidente Repúblika Nù 15/2021 1 de Março dekreta estadu emerjénsia ba dala-XI hodi prevene moras Covid-19 iha Timor-leste.
“ Desizaun ida ne’e ita hatene katak estadu restrinji tiha atividade barak inkluí atividade Ekonomia iha Covalima hodi prezudika ba rendimentu familiar, nune’e bainhira laiha ona rendimentu familiár, automatikamente susar atu hetan nesesidade bazika ne’e problema boot, ho problema ne’e ASEMA hakarak fó solidadridade ka asaun karidade ba komunidade sira iha Covalima liu husi kolaborasaun ho Covalima Vitoria ho Domin-20 (ESVCD-20),” dehan nia iha komunikadu imprensa iha Sede RENETIL, Faról, Dili, (5/3)
Nia hatutan, ohin loron 5 fulan marsu ASEMA sei lao ba universitariu no instituisaun sira no mós komunidade sira iha Dili laran ho kaixa solidariedade nian hodi husu apoiu finanseiru, apoiu ne’e hotu sei akomoda iha sede RENETIL Farol hafoin sosa nesesidade bazika hodi distribui ba komunidade sira iha Munispiu Covalima.