Ministru Asuntu Parlamentár no Komunikasaun Sosiál Francisco Martins Pereira da Costa Jeronimo hatete apoiu mídia sira liu husi publisidade hodi atinji MAPKomS ninia vizita ba mídia sira durante ne'e.

Nia haktuir tan ne'e hanoin mídia privadu sira fó osan dureitamenete labele, atu halo traferensia suvensaun ba atividade media mós labele, maibé bu'at ne'ebé halo mak publisidade.

"Sim ha'u hanoin ha'u halo vizita ba mídia Privadu sira ne'e ba atu haree mídia sira ne'e nia kondisaun oinsá depois saida mak bele halo bazeia ba lei atu halo ba mídia sira. Bu'at ne'ebé ami halo mak ne'e tama ba publisidade tanba tuir lei atu halo publisidade entaun mídia Privadu sira halo publisidade Governu liu husi Ministeriu halo Pagamentu," dehan nia hafoin hasoru Primeiru Ministru iha Palásiu Governu, Segunda (27/02).

Nia afirma, ida ne'e mak apoiu ne'ebé halo ba mídia Privadu sira nia atividade liu husi publisidade hirak ne'ebé Governu halo fó sira depois halo Pagamentu.

"Durante ne'e halo kuaze ba mídia sira, ha'u la hatene númeru hira maibé kuaze mídia lubuk ida mak ami sempre halo publisidade ba loron boot, ba atividade purezemplu halo nusa mak prevensaun ba dengue, prevensaun ba Covid-19," nia dehan.

Governante ne'e salienta, Atividade hirak ne'e hotu iha kontratu ho mídia privadu sira liu husi publisidade nune'e fulan fulan mak Ministeriu halo pagamentu ba sira.