Kinta, 28 Outubru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-10-26&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
   Advogadu husi P-CNRT Submete ona Petisaun hasoru Desizaun PR Francisco Guterres Lu Olo ba Tribunal Rekursu iha Oras tuku 09 Otl, Dili Tersa, (05/05). FOTO:INDEPENDENTE/Jónio da Costa Advogadu husi P-CNRT Submete ona Petisaun hasoru Desizaun PR Francisco Guterres Lu Olo ba Tribunal Rekursu iha Oras tuku 09 Otl, Dili Tersa, (05/05). FOTO:INDEPENDENTE/Jónio da Costa

Advogadu Xanana "Kesar" PR Lú Olo ba TR Featured

DILI:Ekipa Advogadu koligasaun foun Aliansa Maioria Parlamentár (la inklui ona PLP ho KHUNTO) lidera husi Advogadu Manuel Tilman, tersa ohin hatama ona petisaun ba Tribunál Rekursu (TR).

Ekipa advogadu ne’e simu direita husi Prezidente Tribunal Rekursu, Juiz Deolindo dos Santos. Ekipa advogadu sira mós rejista kedas petisaun ne’e ba iha parte sekretariadu.

Konteúde husi karta petisaun ne’e husu atu Tribunál rekursu halo fiskalizasaun konstitusionalidade ba deiszaun PR Lú Olo nian.

Hafoin hatama petisaun ne’e, Advogadu Manuel Tilman hatete, desizaun hirak ne’ebé CNRT konsidera viola Konstituisaun, mak Presidente Repúblika la fó pose membru Governu na’in sia (9) husi koligasaun AMP, tanba tuir Konstituisaun artigu 106 hatete katak indizitasaun ba Primeiru Ministru tuir eleisaun manan maioria mak indizita Primeiru Ministru ba iha oitavu Governu ho koligasaun AMP.

Presidente Repúblika promete atu partidu politiku sira kumpri Konstituisaun hodi forma fali koligasaun foun maioria parlamentár ba nono Governu, maibé Presidente Repúblika rai deit iha gabeta laran laiha desizaun ho rajaun sei estuda hela.

Preokupasaun seluk mak Konstituisaun alinea F artigu 86 dehan katak kuandu la aprova Orsamentu Jeral Estadu liu loron 60 PR tenke disolve parlamentu, maibé Presidente Repúblika la halo.

Enkuantu Primeiru Ministru rasik hatama ona pedidu demisaun, maibé laiha resposta husi Presidente Repúblika no too ikus Primeiru Ministru rasik retira nia pedidu demisaun.

Tilman dehan, petisaun ne’e asina husi deputadu na’in 18 husi CNRT ne’ebé sei mantein iha koligasaun foun lidera husi Kay Rala Xanana Gusmão.

“Deputadu na’in 18 mak asina petisaun ne’e no sira fiar ha’u lori petisaun ne’e mai iha Tribunál Rekursu,”hateten advogadu Tilman ba jornalista sira iha Tribunal Rekursu (TR), Kaikoli-Dili, tersa  ohin (5/5).   

Molok ne’e, Prezidente partidu CNRT, Kay Rala Xanana Gusmão kontra makas desizaun PR Lú Olo nian ne’ebé konsidera nakonu ho intrese politika hodi hadau malu poder.

Iha konferensia imprensa CNRT, Xanana lamenta, problema nia huun durante ne’e, la’ós tanba nia mak atu ba assume tan kargu Primeiru Ministru ka tanba partidu KHUNTO sai tan husi koligasaun AMP, maibé problema nia huun mak iha Aitarak Laran.

Tuir nia katak, desizaun PR Lú Olo nian ne’e ho intensaun labele haree de’it ba sapatu laran, maibé tenke hare mós ba esperiensia nasaun barak iha mundu ne’ebé hetan independénsia kleur ona, maibé ohin loron konflitu la hotu hela de’it, tanba hadau malu ukun no poder ne’ebé la tuir konstituisaun haruka.

Nia triste ambisaun ukun la respeita ona konstituisaun. 

Read 1066 times
Rate this item
(0 votes)