26 Jullu: Kazu Foun Covid-19 Hamutuk 6 ho Kazu Rekuperadu 656 Featured

By Saturnina da Costa Jullu 26, 2021 356
Positivu Covid-19. Positivu Covid-19.

DILI: Sala Situasaun Sentru Inregradu Jestaun Krize (SIJK) relata ohin (26/07), ekipa konjunta saúde deteta tan kazu foun hamutuk na’in 6, rekuperadu na’in 45 no kazu kaz ativu iha Sala Izolamentu hamutuk 656.

Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé deteta ohin iha iha Kapital Dili na’in 2 no Munisipiu Baucau 1, Bobonaro 2 no Covalima 1.

“Kazu detetadu foun ohin iha mane na’in 4 no feto na’in 2, porporsaun kazu sintomatiku hamutuk pursentu 16,6 (16,6%),”dehan nia iha komunikadu, segunda ohin.

Husi total kazu detetadu foun ohin, ema ho idade 12 to’o 59 iha na’in 5 haanesan ho pursentu 94,4 (94,4%) no idade 60 ba leten na’in 1.

Enkuantu, komulativu kazu konfirmadu sura husi loron 21 fulan-Marsu tinan 2020 to’o loron 26 fulan-Jullu 2021 hamutuk 10,354.

Husi horiseik (25/07) mai ohin teste PCR ne'ebé Laboratóriu Nasionál Saúde halo iha Dili hamutuk 262 ho detallu hanesan, Vijilansia sentinela laiha, Contact tracing 5, Random Screening 3, Viájen sai husi serka sanitária husi Dili 161, Viájen internasionál 6 no Follow up iha kuarentena hamutuk 87.

Totál testes PCR ne’ebé halo horiseik (25/07) iha Munisipiu sira seluk, RAEOA no HNGV hamutuk 103 ho detalle hanesan, Baucau 25, Ermera 2, Maliana 8, Maubisse 11, RAEOA 0, Suai 9, Vikeke 2 no HNGV 19.

Totál doze vasina ne’ebé fó ona ba populasaun elijível (tinan 18 ba leten), iha teritoriu laran tomak, to’o ohin (26/07) dader oras 10:00 hamutuk doze dahuluk iha 267,673 (35,4 %) no doze daruak iha 80,677 (10,6 %). 

Entretantu, iha izolamentu Vera Crus ohin halo tratamentu ba kazu detetadu hamutuk 17. Iha obstertisia na’in 6, medisina interna na’in 7, sirurjia na’in 3 no pediatria na’in 1.

 

Asistente Editor: Saturnina da Costa

Rate this item
(0 votes)

Independente Digital TV