Sexta, 24 Setembru 2021 | Login
Vasina positivu Covid-19. Vasina positivu Covid-19.

23 Jullu: Kazu Foun Covid-19 Hamutuk 54 Featured

DILI: Sala Situasaun Sentru Inregradu Jestaun Krize (SIJK) relata ohin (23/07), ekipa konjunta saúde deteta tan kazu foun hamutuk 54.

Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé deteta ohin iha Dili na’in 40, Baucau 5, Bobonaro 1, Ermera 7 no Vikeke na’in 1.

“Kazu detetadu foun ohin, iha mane na’in 29 no feto 25, porporsaun kazu sintomatiku iha pursentu 24 (24 %),”dehan nia iha komunikadu, sesta ohin.

Nune’e, pasiente rekuperadu hamutuk na’in 45 no kazu ativu iha Sala Izolamentu hamutuk na’in 726.

Enkuantu, komulativu kazu konfirmadu sura husi loron 21 fulan-Marsu tinan 2020 to’o loron 23 fulan-Jullu 2021 hamutuk 10,281.

Husi horiseik (22/07) mai ohin teste PCR ne'ebé Laboratóriu Nasionál Saúde halo iha Dili hamutuk 742 ho detallu hanesan, Vijilansia sentinela 22, Contact tracing 10, Random Screening 16, Viájen sai husi serka sanitária husi Dili 542, Viájen internasionál 38 no Follow up iha kuarentena hamutuk 112.

Totál testes PCR ne’ebé halo horiseik (22/07) iha Munisipiu sira seluk, RAEOA no HNGV hamutuk 277 ho detalle hanesan, Baucau 92, Ermera 67, Maliana 16, Maubisse 41, RAEOA 45, Suai 8, Vikeke 15 no HNGV 26.

Totál doze vasina ne’ebé fó ona ba populasaun elijível (tinan 18 ba leten), iha teritoriu laran tomak, to’o ohin (23/07 ) dader oras 10:00 hamutuk doze dahuluk iha 262,933 (34,8 %) no doze daruak iha 74,918 (9,9 %). 

Entretantu, iha izolamentu Vera Crus ohin halo tratamentu ba kazu detetadu hamutuk 13, iha Obstetrisia na’in 3, Medisina interna na’in 7 no iha Sirurjia na’in 3.

Read 152 times
Rate this item
(0 votes)