Segunda, 18 Outubru 2021 | Login
Grafiku hatudu kazu foun Covid-19 kada loron aumenta ho numeru ne'ebe as. Grafiku hatudu kazu foun Covid-19 kada loron aumenta ho numeru ne'ebe as.

21 Maiu: Kazu Foun 172, Kazu Ativu 2,469 Featured

DILI: Ohin 21 fulan-Maiu tinan 2021, Sala Situasaun Sentru Integradu Jestaun krize (SIJK), relata iha kazu foun na’in 178, nune’e kazu ativu sa’e ba 2,469.

Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, kazu foun ne’ebé relata ohin iha Kapital Dili na’in 155, Vikeke iha na’in 1, Covalima iha 7, Bobonaro na’in 8 no na’in 1 husi Aileu.

“Husi kazu ohin iha mane na’in 106 no feto na’in 66. Sira ne’ebé idade 12 mai kraik iha na’in 1, idade 12 to’o 59 iha na’in 170 hanesan ho pursentu 98,8 no idade 60 ba leten iha na’in 1,”dehan nia liu husi komunikadu, sesta ohin.

Ho nune’e, total kazu detetadu foun ohin proporsaun kazu sintomátiku hamutuk pursentu 2,3.

Tanba ne’e,  kazu foun hamutuk 172, kazu rekuperadu na’in 95 no kazu ativu iha Sala Izolamentu hamutuk  2,469.

Entretantu komulativu kazu konfirmadu sura husi loron 21 fulan-Marsu tinan 2020 to’o loron 21 fulan-Maiu tinan 2021 hamutuk 5,287.

Husi horiseik (20/05) mai (21/05) ohin teste PCR ne'ebé Laboratóriu Nasionál Saúde halo iha Dili hamutuk 683 kompostu husi, Vijilánsia sentinel na’in 42, Rastreiu ba kontaktu (Contact tracing) na’in 84, Rastreiu Aleatoriu (Random Screening) na’in 24, Viájen sai husi serka sanitária husi Dili iha na’in 380, Viájen internasionál na’in 4 no Follow up iha kuarentena hamutuk na’in 48.

Total testes PCR ne’ebé halo horiseik 20 maiu iha Munisipiu sira seluk, RAEOA no HNGV hamutuk 670, ne’ebé kompostu husi, Baucau 23, Ermera 42, Maliana 59, Maubisse 110, RAEOA 1, Suai 158, Vikeke 61 no HNGV na’in 79.

Iha Izolamentu Vera Crus halo tratamentu ba kazu detetadu hamutuk na'in 36, ne’ebé fahe ba area obstetrisia na'in 13 ho kategoria level (mild) hotu, iha área medisina interna na'in 22. Na'in 4 grave, 2 iha ICU uza ventiladór, na’in 2 uza oksijéniu no 18 moderadu.

Iha area pediatria na’in 1, kazu ne’e tama iha kategoria level (mild).

 

Asistente Editor: Saturnina da Costa

Read 222 times
Rate this item
(0 votes)