Enkuantu, Projeitu Dekretu-Lei ne'e, aprezenta husi Ministru Defeza, Filomeno Paixão de Jesus.

“Liu husi númeru 2 artigu da-23 husi Dekretu-Lei n. 34/2021, loron 22 fulan-dezembru, Estadu kompromete katak ba tinan 2023, atu aumenta 15% husi remunerasaun militár F-FDTL sira," dehan Ministru Prezidensial Konsellu Ministru, Fidelis Leite Magalhães, iha Palasiu Governu, kuarta ne'e (05/10).

Governante ne’e hatutan, ho remunerasuan ne'e hodi konsidera alterasaun lejizlativa sira-ne’e kona-ba suplementu iha ámbitu administrasaun públika nasionál nian.

"Projeitu ne’e ho ninia objetivu atu introdús modifikasaun sira tantu iha nivel estrutura remuneratóriu, tantu iha nivel suplementu sira ne’ebé eziste iha F-FDTL," tenik nia.

Molok ne’e, iha loron 24 Setembru tinan 2021, Governu liu husi reuniaun Konsellu Ministru, deside hodi aumentu salariál besik 5% iha postu militār sira hotu-hotu no halo atualizaun ba suplementu rumenatóriu sira ho objetivu atu hetan karreira militár ne’ebé atrativa liu, ho kondisaun salariál ida tuir nia modernizasaun no profisionalizasaun husi Forsa Armada sira.