Segunda, 27 Setembru 2021 | Login
Mediku sira ne'eb'e tau matan ba pasiente Covid-19 iha izolamentu. Foto:Dok/Independente. Mediku sira ne'eb'e tau matan ba pasiente Covid-19 iha izolamentu. Foto:Dok/Independente.

20 Juñu: Kazu Foun Covid-19 Tun Ba 29 Featured

DILI:Sala Situasaun Sentru Integradu Jestaun Krize (SIJK) relata ohin (20/06), ekipa konjunta saúde rezista tan kazu foun 29, rekuperadu 63 no kazu ativu iha izolamentu hamutuk 1,059.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo hatete, kazu foun ne’ebé relata ohin, iha Kapital Dili na’in 23, Bobonaro 2 no Manatuto 4.

“Total kazu detetadu foun ohin, iha proporsaun kazu sintomatiku hamutuk pursentu 10,3,”dehan nia iha komunikadu, domingo ohin.

Enkuantu, total komulativu kazu konfirmadu hahú husi loron 21 fulan-Marsu tinan 2020 to’o loron 20 fulan-Juñu tinan 2021 hamutuk 8,707.

Nune’e, husi horseik (19/06) mai ohin, teste PCR ne’ebé Laboratorium Nasional Saúde halo iha Dili hamutuk 560 kompostu husi, Vijilansia sentinela 4, Contact tracing 13, Random Screening 138, Viajem sai husi serka sanitaria Dili 384, Viajen internasional 12 no Follow up iha kuarentena laiha.

Aliende, total PCR ne’ebé halo horseik (19/06) iha Munisipiu sira seluk, RAEOA no HNGV hamutuk 337, kompostu husi Munispiu Baucau 102, Ermera 9, Maliana 14, Maubisse 68, Suai 72, Vikeke 11, RAEOA 9 no HNGV 52.

Entretantu, iha izolamentu vera Cruz, ohin halo tratamentu ba kazu detetadu hamutuk na’in 22.

Tanba ne’e, SIJK apela ba populasaun iha Timor-Leste laran tomak, nafatin regra respeita regras prevensaun no ijiéne individual ne’ebé Governu hatuur ona atu prevene moras Covid-19 da’et ba mai.

Regra sira ne’e hanesan ita hotu hatene ona mak, uza maskara, fase lima bebeik ho sabaun ka uza dezinfetante ruma, evita kose liman ba matan, inus no ibun,  evita halibur malu barak, bainhira kumprimenta malu la presiza kaer liman, bensa liman, rein malu ka hakuak malu no hamrik ka tur dook husi ema seluk minimu metro ida ho balun.

 

Asistente Editor: Saturnina da Costa

Read 314 times
Rate this item
(0 votes)

About Author