Husi númeru 2.203 nee, maioria husi Kapital Dili ho kazu 1.358, Ermera ho kazu 90, Manatutu ho kazu 136, Baukau ho kazu 105 , Manufahi ho kazu 92, Kovalima ho kazu 82, Bobonaro ho kazu 32, Líkisa ho kazu 70, Aileu ho kazu 66 , Ainaro ho kazu 29, no Vikeke ho kazu 51, RAEOA ho kazu tolu no Lautem ho kazu 89.
"Hare husi kazu ne'e, Dili kontinua aumenta ho numeru ne'ebé aas no Munisipiu 12 inklui RAEOA mak dadaun ne'e rejista ona kazu dengue,”dehan komunikadu ne'ebé Online INDEPENDENTE asesu, kinta nee (17/02).
Ba kazu mate neebé rejistu, iha Dili na’in 16, na’in haat iha Ermera, na’in tolu iha Kovalima, na’in ida iha Ainaro, na’in ida iha Bobonaro, na’in ida iha Vikeke, na’in rua iha Aileu, na’in ida iha manatutu no na’in ida iha Manufahi.
Entretantu, husi numeru kazu ne'ebé aumenta, Ministra Saúde husu nafatin ba populasaun atu aprezenta aan iha fasilidade saúde ne'ebé besik, bainhira sente isin manas ka laran sa’e, liman ain sikun moras, atu bele hetan atendementu husi mediku sira.
Aliende, Governu mós halo hela prevensaun moras dengue liu-husi asaun sira hanesan, limpeza jeral ho halo fumigasaun ba fatin ne'ebé identifika sai fatin risku ba dengue.
Asistente Editor: Saturnina da Costa
