Sábadu, 23 Outubru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-10-21&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Coveiru sira ne'ebe preparado atu hakoi mate Covid-19. Foto: Independente. Coveiru sira ne'ebe preparado atu hakoi mate Covid-19. Foto: Independente.

15 Agosto: Kazu Foun Covid-19 Iha 142, Mate ida

DILI: Sala Situasaun Sentru Integradu Jestaun Krize (SIJK), relata ohin (15/08) iha kazu foun na’in 142 no mate na’in ida.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu foun ne’ebé relata ohin, iha Kapital Dili na’in 92, Baucau 13, Covalima 23, RAEOA 11, Ainaro 2 no Aileu na’in 1.

“Husi kazu detetadu foun ohin iha mane na’in 77 no feto na’in 65. Sira ne’e hotu ho idade 12 no 59 iha na’in 110, idade 20 mai kraik iha na’in 28 no idade 60 ba leten iha na’in 4,”dehan nia iha komunikadu domingo ne’e.

Rui relata, husi kazu detetadu foun ohin iha pursentu 32,2 (32,2%) mak hatudu sintomas.

Enkuantu, pasiente rekuperadu ohin hamutuk 13 no kazu ativu hamutuk 2.068.

Total komulativu kazu konfirmadu sura husi loron 21 fulan-Marsu tinan 2020 to’o loron 15 fulan-Agostus tinan 2021 hamutuk 12.565.

Entretantu, ohin iha sidadaun mane ida ho idade 76 hnaesan Timor-Oan, hela iha Postu Administrativu Vera Cruz, diagnostika iha loron 13 fulan-Agostus tinan 2021, ho sindroma insufisiénsia respiratóriu aguda (SIRA), tanba hetan moras Covid-19 (Teste PCR nia rezultadu positivu, Cycle Threshold:N2 gene 18,6, E gene 16,2).

Matebian iha istoria moras obstrusaun pulmonar krónika (Chronic Obstructive Pulmonary Disease), no mós istoria tratamentu tuberkoloze.

Iha loron ne’e kedas transfere ba hala’o tratamentu iha Vera Cruz, tuir protokolo tratamentu Covid-19.

Nune’e, ohin dader matebian hakotu-iss tanba respiratoric failure. Teste PCR hafoin iss-kotu nafatin positivu (CT N2 gene 17,3, E gene 15,2).

Familia kordena ona ho ekipa saúde atu hala’o funeral tuir protokolu ne’ebé adopta iha Timor-Leste.

Ho nune’e, total komulativu kazu óbitu hamutuk na’in 30.

Husi horseik (14/08) mai ohin total PCR ne’ebé Laboratóriu Nasional Saúde halo iha Dili hamutuk na’in 303 kompostu husi, vijilansia sentinela 1, contact tracing 107, random screening 15, viajem sai husi serka sanitaria Dili 123 no follow up iha kuarentena 57.

 Aleinde, teste PCR ne’ebé halo iha Munisipiu sira seluk, RAEOA no HNGV hamutuk 286, kompostu husi Baucau 52, Maliana 15, RAEOA 40, Maubise 51, Suai 69 no HNGV 59.

Ohin, iha izolamentu Vera Cruz halo tratamentu ba kazu detetadu hamutuk na’in 44.

 

Asistente Editor: Saturnina da Costa

Read 63 times Last modified on Tersa, 31 Agostu 2021 12:06
Rate this item
(0 votes)

About Author