Tuir dadus husi Ministeriu Saúde, liu-husi Diresaun Nasional Saúde Publiku Departamentu Vijilansia Epidemolojia relata, iha Munisipiu Dili rejista kazu 2.782, Manatutu kazu 172, Baukau kazu 251, Manufahi kazu 167, Kovalima kazu 135, Lautem kazu 153, Ermera kazu 118, Liquisa kazu 112, Aileu kazu 87, Viqueque kazu 69, Bobonaro kazu 52, Ainaru kazu 45, RAEOA kazu 5.

Enkuantu, total kazu mate tanba dengue mantein ema na’in 50 ne'ebé rejista  husi munisipiu sira iha teritoriu laran.

Munisipiu 11 ne'ebe rejista ona kazu mate mak hanesan, Dili ho kazu nain 27 barak liu, tuir Covalima  ho kazu 7, Ermera ho kazu 4, Alieu ho kazu 2, Ainaru ko kazu 2, Viqueque ho kazu 2, Bobonaru ho kazu 2,  Baukau ho Kazu 1, Manantutu ho kazu 1, Manufahi ho kazu 1, Oecuse kazu 1.

 "Husi kazu ne'e hatudu, kada loron kontinua sae maka'as iha Dili laran, nune’e loron ba loron kazu sei espalla nafatin ba iha Postu Saúde sira seluk,"informa MS.

Entretantu, husi númeru Kazu ne'ebe aumenta, Ministra Saúde husu nafatin atu aprejenta aan iha fasilidade saude ne'ebe besik, bainhira sente isin manas ka laran sae, liman ain sikun moras, atu bele hetan atendementu husi mediku sira.