"Kazu foun neebé deteta, iha na’in 41 ho taxa pozitividade 3,1. Kazu hirak nee mai husi kontanct tracing ho vijilansia sentinela, nunee, kazu rekuperadu laiha no kazu ativu sa’e ba 309,”dehan nia iha konferensia imprensa, iha Palasiu das Cinzas, kinta horseik.
Ho nunee, total komulativu kazu konfirmadu sura husi loron 21 fulan-marsu 2020 too 3 fevereiu 2022 hamutuk 20.177.
Enkuantu, husi total númeru kazu neebé dadauk nee ativu hela iha Sala Izolamentu, husi Dili na’in 306, Baukau na’in ida, Bobonaro na’in ida no Lautem na’in ida.
Entretantu, sidadaun ho idade 18 ba leten neebé simu ona vasina doze dahuluk atinji ona pursentu 84,2 (84,2%) no sira neebé simu ona vasina doze daruak iha pursentu 70.9 (70.9%).
Asistente Editor: Saturnina da Costa
