Pesoál Saúde 139 iha Baucau termina kontratu, difikulta atendimentu públiku
DILI: Profesionál saúde hamutuk na’in 139 iha Munisípiu Baucau la kontinua sira-nia servísu tanba kontratu termina ona iha loron 31 fulan Dezembru tinan 2023.
Tuir Diretór Servísu Saúde Munisípiu Baucau, Domingos Reinaldo Guterres hatete, profesionál saúde na’in 139 ne'e kompostu husi rejime espesiál 124 no rejime jerál hamutuk na'in 15, ne'ebé durante ne'e hala'o kna'ar iha sentru no postu saúde inklui motorista ambulánsia iha Munisípiu Baucau.
“Ita-nia profesionál saúde 139 iha Munisípiu Baucau sei la kontinua sira-nia servisu tanba sira-nia kontratu termina ona iha fulan-Dezembru, ho nune'e fo impaktu tebes ba iha atendimentu públiku nian iha fasilidade saúde sira, liuliu ba motorista sira ne'ebé mak halo atendimentu loron-kalan, hodi transfere pasiente sira ba-mai iha fasilidade saúde sira," dehan diretór liu husi via-telefone, Domingu (14/01).
Nia dehan, Rejime espesiál antes ne'e, kontratu husi Ministeriu Saúde (MS) hamutuk na’in 124 ne'ebé hala'o kna'ar nu'udar implementadór programa no atendimentu komunidade iha postu no sentru saúde sira, hodi apoiu epidemiolojia ne'ebé kontratu liu husi fundu Covid-19 no Orsamentu Jeral Estadu (OJE).
Tanba ne'e, Sira hato'o ona pedidu ba iha MS, atu nune'e estende maibé to'o agora la hetan resposta.
Servisu Saúde Munisípiu Baucau kontinua esforsu hodi hato'o pedidu ba MS no autoridade Munisipál, atu solusiona problema refere tanba konsidera funsionáriu hirak-ne'e importante hala'o servisu iha terenu.
Nia hatutan, problema kontratu funsionáriu hirak-ne'e fó impaktu ba atendimentu públiku, liuliu aumenta servisu dupla ba funsionáriu kontratu sira, iha baze nune'e labele foka tuir área esensiál sira.
Nia informa, tuir informasaun ne'ebé mak postu saúde iha Suku Bualale, Postu Administrativu Kelikai, dehan taka ne'e informasaun laloos, maske pesoál saúde sira iha ne'ebá termina ona sira-nia kontratu, maibé kada semana pesoál saúde sira iha Sentru Saúde Kelikai sempre halo rotasaun hodi ba halo atendementu pasiente sira iha ne'ebá.
DILI: Diresaun Nasionál Metereolojia e Geofisica (DNMG), informa ba públiku katak, durante semana ne’e anin huu velosidade forte.
Durante Semana Ida, APC Rejista Uma-Kain 432 Hetan Estragus, na’in Rua Lakon Vida
DILI: Autoridade Protesaun Sivil (APS), relata, dezastre naturais ne'ebe akontese durante semana ida, rezulta uma-kain 432 hetan estragus, kanek na’in walu (8) no na’in rua (2) lakon vida.
EBC Faról Presiza tan Profesór Na’in 17
DILI: Eskola Bázika Sentrál (EBS) Faról presiza tan profesór hamutuk na’in 17, tanba dadaun ne’e profesór atu hanorin estudante sira iha tinan 2024 menus.
Evita Inundasaun iha Tempu Udan, Xefe Suku Bairu Pité Sei Orienta Komunidade Hamoos Valeta
DILI: Autoridade Lokál husi Suku Bairu Pité Postu Administrativu Dom Aleixu, Munisípiu Dili orienta komunidade sira atu hamoos valeta ku’ak no labele soe fo’er arbiru atu akontese tempu udan labele afeita ba inundasaun.
KM Aprova Alterasaun Rejime Jurídiku Pensaun Sosiál Invalidé no Ferik-Katuas
DILI: Konsellu Ministru (KM) aprova ona Alterasaun dahuluk bá Dekretu-Lei ne'ebé mak aprova rejime jurídiku ba pensaun sosiál invalidés no ferik-katuas iha ámbitu rejime la kontributivu seguransa sosiál.
KM Aprova Dekretu Governu Estabelese Remunerasaun PAM
DILI: Govermu liuhusi surumutuk Konsellu Ministru (KM) aprova ona Dekretu Governu hodi estabelese remunerasaun ba Presidente Autoridade Munisípal (PAM) sira.
Komisaun E PN Husu MOP Hadi’a Kondisaun Estrada Dili
DILI: Komisaun E trata Asunto Infrastrutura iha Parlamentu Nasionál (PN) husu ba Ministériu Obras Públika (MOP) atu atensaun ba kondisaun estrada ne’ebé kondisaun la di'ak iha Kapitál Dili, hanesan iha Tasi-Tolu ba Maslidun, Bebonuk, Perumnas Bairru-Pité ho fatin sira seluk tan.
PN Husu Governu Kria Polítika Ordena Sidade Dili Livre Inundasaun
DILI: Prezidente Komisaun E Parlamentu Nasional, Marcos Xavier, husu ba Governu atu kria polítika ida atu ordena sidade Dili livre hosi inundasaun iha tempu udan.
Ministeriu Interior sei rekruta polisia foun 250
DILI: Tuir planu, iha fulan Marsu ka fulan Abril tinan ida ne’e, Ministériu Interior sei loke rekrutamentu ba membru Polisia Nasionál Timor-Leste foun na’in 250.
More...
AJAR Husu Governu Dasia Tau Prióridade ba Setór Turizmu
DILI: Organizasaun Naun Governamentál Asian Justice And Rights (AJAR) husu ba governu dasia tau prióridade ba setór turizmu iha rai laran, nune'e bele hatama reseita ba kofre estadu.
Governu Aprova Planu Asaun Nasionál 2024-2028 ba Feto, Pás no Seguransa
DILI: Governu liu husi Konsellu Ministru (KM) aprova ona Planu Asaun Nasionál tinan 2024- 2028 ba implementasaun Rezolusaun Konsellu Seguransa Nasoins Unidas kona-ba Feto, Pás no Seguransa.
Sirkulár ME Bandu, EBC Faról devolve ona estudante nia osan 20.000 resin
DILI: Eskola Bázika Sentrál (EBC) Faról, devolve ona osan husi estudante nia inan aman sira ne’ebé kontribui ba eskola ho montante $14.00 ne’ebé antes ne’e profesór sira halo kobransa iha fulan kotuk liu ba.
DILI: iha loron sia fulan-Janeiru, Prezidente Repúblika José Ramos-Horta aranka ba Índia hodi hasoru malu ho Primeiru Ministru Shri Narendra Modi iha Gandhinagar Índia hodi ko’alia bilaterál entre nasaun Timor-Leste ho Índia.
Independente Digital TV
Trending
Latest
Follow us on Facebook
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261