MOP Aloka Tokon $10 Infraestrutura Bee Moos no Estrada Featured

By Artur da Luz Fevereiru 21, 2019 5857
Ministru Obras Públikas, Salvador Eugenio Pires . FOTO: doc Ministru Obras Públikas, Salvador Eugenio Pires . FOTO: doc

DILI: Ministériu Obras Públikas (MOP) hahú apresenta ona lista ba infraestrturas liu-liu estrada, bee moos ba populasaun sira iha iha teretóriu tomak ho montante orsamentu hamutuk tokon $10 dolar Amerika.

Ministru Obras Públikas, Salvador Eugenio Pires dehan, MOP prepara ona referensia atu halo tenderizasaun iha tinan 2019 no konstrusaun sei hala’o iha tinan 2020.

“Montante orsamentu ne’ebé ami tau ba infraestrutura bee moos ho estrada iha teritóriu tomak hamutuk tokon $10, osan ne’e ita tau atu halo planu no 2020 ita bele implementa tuir lista ne’ebé ami iha,”dehan Salvadór ba jornalista iha Palásiu Governu Dili, tersa (19/2)

Alende ne’e, iha OJE 2019 MOP tau orsamentu tokon $16 ba kapitál dezenvolvimentu ne’ebé planu atu estabelese estrada rurál hamutuk projetu 96.

Governu mós prepara hela tokon $11, atu halo manutensaun ba estrada protokolu sira ne’ebé liga ba munisipiu sira inklui kapitál Dili laran.

MOP hein bainhira Ministériu Finansas aloka orsamentu, MOP hahú implementa planu ho programa ba 2019-2020 nian bazeia ba VIII Governu Konstitusionál nian.

Rate this item
(0 votes)
Last modified on Tersa, 26 Fevereiru 2019 13:59

Independente Digital TV