Kompañia Internasionál Kontaktu SERVE Kria Fabrika Jeep no Elikoptru Featured

By Pedro Alves Fevereiru 19, 2019 5531
Diretór SERVE, Florencio Sanches. FOTO: The Dili Weekly Diretór SERVE, Florencio Sanches. FOTO: The Dili Weekly

DILI: Kompaña internasional balun kontaktu ona Serbisu Verifikasaun Emprezaria (SERVE) hodi hato’o sira-nia interese atu kria fabrika Karreta Jeep no Elikoptu iha Timor Leste.

Tuir planu, iha fulan Marsu tinan ne’e ekipa boot husi Kompaña internasional ida sei mai iha Timor Leste.

Diretór SERVE, Florencio Sanches informa katak kompaña ne’e nu’udar kompaña ne’ebé foin hakarak atu halo investimentu iha Timor Leste.

“Iha ekipa boot ida sei mai atu hasoru iha fulan Marsu, ne’ebé hakarak halo atividade rua, fabrikasaun ba karreta jeep no aviaun elikoptru ki’ik,” informa Diretór ne’e iha nia knar fatin, Kaikoli Sesta (15/02).

Maske la temi kompaña nia naran no mai husi nasaun ne’ebé, maibé Diretór ne’e hatete de’it katak kompaña ne’e iha interese tanba haree pozisaun Timor Leste iha CPLP ne’ebé iha ligasaun ho Portugal no nasaun sira iha Amerika Latina.

Entretantu, iha mós kompaña balun husi Xina, Korea, Arbia, India no Vietnam ne’ebé hakarak loke atividade negosiu iha Timor Leste.

Florencio hatutan, kompaña husi Xina no Koréa hakarak hahoris fali sira-nia atividade iha Timor Leste. Enkuantu kompaña husi India no Arabia hakarak investe iha negosiu faan aimoruk.

Tuir nia, resposta pozitivu husi mundu emprezariu ne’e relasiona ho promulgasaun Orsamentu Jeral Estadu 2019.

Tanba, nia hatutan, aleinde interese kompaña foun sira, kompaña balun ne’ebé uluk hapara sira-nia atividade hahú renova fila fali ona.

“Iha Kompãna lubun ida mak renova fila fali sira-nia atividade 200 resin,” dehan nia.

Rate this item
(1 Vote)

Independente Digital TV