Items filtered by date: Agostu 2019

DILI: Aktu korrupsaun husi ukun-nain sira sai issu ne’ebé to’o ohin loron kontinua sai debate públiku. Iha ukun-nain balun ne’ebé responsabiliza ona sira-nia aktu iha prizaun, maibé sei iha balun mós mak livre hela.

Korrupsaun nu’udar aktu ida ne’ebé halakon nasaun no povu, hafoer no hatuun mós nasaun ninia dignidade iha mundu internasionál.

DILI: Guverno liu husi Ministériu Justisa (MJ), mantein ho politika hodi sosa pistola , tanba ne’e tempu badak sei sosa pistola hamutuk 50 ba Polisia Sientéfika Investigasaun Kriminal (PSIK).

DILI: Loron Konsulta Popular ba tinan 20 besik daudauk ona. Governu Aliansa Mudansa ba Progresu (AMP) sei realiza “festa boot” ida hodi hasoru loron istoriku ida ne’e. Festa ne’e realiza bainhira labarik Timor-oan porsentu 46 sei sofre hela malnutrisaun kroniku.

DILI: Prezidente Repúblika (PR), Francisco Guterres Lú Olo, ofisialmente promulga ona Dekretu Lei haat husi Governu, ne’ebé iha relasaun ho atividade petrolífera nian.

DILI: Desizaun Tribunal Distrital Dili (TDD) hodi absolve arguidu na’in haat ne’ebé akuzadu ba kazu oho Vera Carvalho Martins ho razaun katak Ministériu Públiku la konsege prova mate-ruin ne’ebé kee iha Subaun nu’udar Vera nia ruin, hamosu pergunta boot, Vera iha ne’ebé?

DILI: Ministru Negosiu Estranjeiru no Kooperasaun (MNEK) Dionisio Babo konsidera nia asaun hodi la partisipa iha tomada pose husi Prezidente Repúblika Francisco Guterres Lu Olo ba embaixadór Timor-oan na’in tolu nu’udar asaun ne’ebé normal.

DILI: Asaun Ministru Negósiu Estranjeiru no Kooperasaun (MNEK), Dionísio Babo Soares, hodi la partisipa serimónia tomada-de-pose ba embaixadór timoroan sira hanesan tentativa ida hodi kontra Xefe Estadu.

Hahalok husi ministru ne’ebé iha responsabilidade polítika no morál ba diplomata timoroan sira iha rai li'ur ne’e akontese beibeik ona.

DILI:Bankada Governu iha Parlamentu Nasionál deskonfia Prezidente Repúblika (PR), Francisco Guterres Lú Olo ne’ebé fó posse de’it ba kandidatu embaxadór na’in tolu ne’e iha tendénsia politika.

DILI: Iha loron 30 Agostu 1999, povu Timor Leste tomak ne’ebé atinze ona idade tinan 17 hakat ba sentru votasaun hodi deside destinu rai ida ne’e. Maske iha ameasa no intimidasaun oioin, maibé povu ne’e hatudu nafatin ninia brani. Mate ka moris, ukun rasik an kuda metin ona iha fuan laran.

DILI: Serbisu ekipa Tranzisaun ne’ebé lidera husi eis Vise Ministru Finansas, Helder Lopes, remata ona no ekipa refere entrega ona sira-nia relatoriu ba Primeiru Ministru Taur Matan Ruak.