“Ha’u hanoin ita tenke hasa’e agradese ba Maromak ba buat hotu ne’ebé ita hetan,”dehan Amu Elias iha ninia omilia durante prejidi misa tinan foun 2017 iha Parokia Komoro Sabadu, (31/12).

Padre Elias hateten iha ema hotu moris hosi grasa Maromak nian hodi selebra tinan tuan no tinan foun 2017, tanba ne’e hafoin selebra durante moris tinan ida, ema hotu tenke agradese ba Maromak.

Nia dehan,ema moris labele tau importansia liu ba material tanba buat sira ne’e sei la iha nia folin iha Maraomak nia futar oin tanba ne’e tenke halo mudansa iha moris loron -loron nian mak hanesan tenke troka tiha hahalok aat sira ba di’ak tanba but hotu sei la permanente so maromak de’it mak permanente.

“Saida mak ita persiza atu halo tenke hamtauk Maromak no buat hotu iha ne’e ita moris mak ita foin simu laiha ema ida moris mai iha kedan hotu-hotu moris ho isin tanan,”tenik nia.

Tuir nia katak,atu hamtauk Maromak mak tenke hadia an, atu nune’e labele halo Maromak nia fuan moras ba hahalo aat sira,tanba ne’e tenke laran maus haraik an perdua malu.

Tuir observasaun diariu INDEPENDENTE durante misa tinan foun 2017 parte seguransa nian halo kontrolu makas ba sarani sira atu labele sunu fogetis no uza telephone.

Duranta misa selebrasaun la akontese problema ruma, tanba hetan segurasa makas hosi parte seguransa Igreja no Polisia.