Kuarta, 23 Outubru 2019 | Login
Prokuradór Jerál Repúblika (PJR) José da Costa Ximenes. FOTO: dok Prokuradór Jerál Repúblika (PJR) José da Costa Ximenes. FOTO: dok

PJR Lakohi Lori MP ba Dalan Polítiku Featured

DILI: Relasiona ho rekomendasaun husi bankada parlamentar balun ne’ebé husu Ministériu Públiku (MP) atu loke investigasaun ba relatóriu husi Tribunál Kontas nian kona-ba RAEOA-ZEEMS, Prokuradór Jerál Repúblika (PJR) José da Costa Ximenes deklara, lakohi lori Ministériu Públiku ba dalan polítiku.

“Ha’u lakohi lori Ministériu Públiku ne’e ba dalan polítiku. Husik ba polítiku sira diskute sira-nia kestaun polítiku, husik ba Ministériu Públiku atu kumpre ninian,” dehan nia hafoin enkontru semanál ho Prezidente Repúblika Francisco Guterres Lu Olo iha Palasiu Prezidensiál Bairu-Pite, Dili, Segunda (11/03).

Nia husu mós ba politiku sira atu labele politiza MP hanesan PJR ne’ebé respeita instituisaun estadu sira seluk.

“Ha’u hakarak mós sira respeitu MP hanesan instituisaun estadu nian ne’ebé ita hotu konstrui hanesan mós ami respeitu insituisaun sira hanesan Governu, Parlamentu Nasionál, Prezidente Repúblika no Tribunál Rekursu, ne’e titular sira ne’ebé ami respeitu,” dehan nia.

Read 1720 times
Rate this item
(0 votes)
MidAd1