Kuarta, 24 Outubru 2018 | Login
PN Estabelese Ona Komisaun Inkéritu Parlamentár

PN Estabelese Ona Komisaun Inkéritu Parlamentár Featured

DILI: Meza Presidente Parlamentu Nasionál hatún ona despaxu mai iha Bankada partidu sira atu nomeia ida-idak nia-ema hodi envolve iha Komisaun Inkéritu Parlamentár.

Vise-Prezidente Parlamentu Nasionál (PN), Maria Angelina Lopes Sarmento hatete, informasaun ba harii Komisaun Inkéritu Parlamentár ne’e iha ona despaxu, tanba ne’e informa ona ba lider bankada sira.

“Informa ona ba iha Prezidente Bankada sira atu haruka nia-ema atu envolve aan iha komisaun inkéritu parlamentár ne’e”, dehan nia, iha Uma Fukun PN, foin lalais ne’e.

Nia hatete, Komisaun Parlamentár ne’e nia-membru hamutuk 11, tanba ne’e husi Bankada FRETILIN 4, Partidu CNRT 3, PLP 2, PD no KHUNTO 1.

Alende ne’e, Partidu UDT/FM no PUDD laiha reprezentasaun iha Komisaun Inkéritu Parlamentár ne’e tanba haree husi númeru reprezentasaun iha Parlamentu Nasionál.

Estabelesimentu komisaun ne’e preparadu ona no hetan aseitasaun ona husi lider bankada sira, tanba ne’e sei ba aprezenta iha plenária atu bele hetan aprovasaun.

Iha fatin hanesan, Prezidente Bankada Partidu CNRT, Duarte Nunes hatete, estabelesimentu Komisaun Inkéritu Parlamentár hahú la’o ona, hein bankada ida-idak hatama membru sira ba iha ne'ebá.

Nune’e, husi Bankada CNRT rasik iha reprezentante na’in tolu, maibé seidauk delega deputadu sé-sé mak ba, tanba foin hetan despaxu, ne'e duni sei halo enkontru hafoin bele deside.

Read 281 times
Rate this item
(0 votes)