Sábadu, 16 Janeiru 2021 | Login
Dr. Rui Dr. Rui

Sentru Saúde Likisa Hahu Halo Ona Vizilansia Sentinela Featured

DILI: Relasiona ho kazu konfirmadu ne’ebé akontese iha Likisa relasiona ho profesora Portugueza sira ne’ebé maka pozitivu ba Covid-19, Servisu Saúde Munisípiu (SSM) Likisa hahu halo ona vizilansia sentinela ba pasiente sira ne’ebé maka ba konsulta iha fasilidade saúde sira ne’e.

Portavoz Sentru Integradu Jestaun Krize (SIJK) Dr. Rui Maria de Araújo hatete, Servisu Saúde Munisípiu (SSM) Likisa hala’o atividade vizilansia epidemolojia ne’ebé teknikamente hanaran vizilansia sentinela ne’e hodi bele halo prevensaun karik kazu ne’e iha ona transmisaun iha komunidade nia leet.

“Epidemolojikamente ema ida la tama iha definisaun kazu suspeitu covid-19 maibé tanba aprezenta sintomas infesaun respiratoria aguda,”dehan nia iha konferensia imprensa iha CCD, Ohin.

Nia dehan, ema sira ne’ebé maka iha sintomas infesaun respiratoriu aguda ema ne’e sei rekola espesime hodi halo analiza iha laboratoriu.

Nia informa, to’o ohin meiudia sira iha Likisa foti ona espesime husi ema na’in 17. Tanba razaun hahu halo vizilansia sentinel iha SSK Likisa tanba kazu profesora sira nian ne’e atu bele hatene se iha ona transmisaun iha komunidade ka la’e.

Read 1923 times
Rate this item
(0 votes)