Tersa, 15 Outubru 2019 | Login
Horta Horta

Sentensa Tribunál Laiha Sentidu Úmanizmu Featured

DILI: Segundu Presidente Repúblika José Ramos Horta preokupa ba desizaun Tribunál balun fó sentensa ba kazu kiik ne’ebé laiha sentidu úmanizmu.

“Maibé ha’u mós halo mensajen la’os direitamente ba KAK, tanba la’os KAK nia kompeténsia maibé ba setór justisa tomak, ba ha’u nuudar ema sarani ka religaun hot-hotu hanoin iha fiar ida ne’e, ida ne’e mak ita nia úmanizmu,”dehan Horta ba jornalista sira, hafoin vizita KAK, iha Farol, Kinta (25/7).

Horta mós fó atensaun katak, hala’o investigasaun tenki di’ak no klean. Investigasaun la halo julgamentu, maibé rejultadu investigasaun aprejenta ba tribunál mak foti desizaun.

Maibé tuir nia katak, sentensa Tribunál tenke iha mós demisaun umanista.

’’Labele kazu korupsaun ida laduun bo’ot maibé sentensa sira ne’e todan teb-tebes,’’Horta preokupa desizaun Tribunál.

Porzemplu, Horta esplika, kazu konkretu ida timor-oan ida ain tanan nia komete kazu krime falsifikasaun dokumentus iha desizaun finál husi Tribunál hetan pena prizaun tinan 10.

Nia konsidera desizaun ne’e la profisional. Tanba justisa tenke liu husi prosesu investigasaun regorozu, maibé tenke iha kompaixaun no proporsionalidade.

Read 1111 times Last modified on Sexta, 26 Jullu 2019 17:13
Rate this item
(0 votes)
MidAd1