Sábadu, 19 Setembru 2020 | Login
Horta bainhira Angela konvida partisipa konferensia. Foto INDEPENDENTE Horta bainhira Angela konvida partisipa konferensia. Foto INDEPENDENTE

Maski La Konkorda Desizaun Barak, Horta Lakohi ‘Hatuun’ PR Lú Olo Featured

DILI: Eis Prezidente Repúblika José Ramos Horta hatete, maske nia la konkorda ho desizaun barak ne’ebé PR Lú Olo halo maibé la signifika katak nia hakarak atu PR Lú Olo tuun husi nia kargu.

“Ha’u respeita Xefe Estadu Francisco Guterres Lú Olo, buat barak ha’u la konkorda ke nia halo desizaun, mais ne’e normal, la signifika ha’u deseju ona nia impeachment, ne’e la’e,” dehan Horta iha nia rezidensia Metiaut, Kuarta (06/08).

Entretantu, molok ne’e, Prezidente Partidu Trabalhista no Portavoz RNDJ-KRDTL, Angela Freitas deklara katak eis Prezidente Repúblika no Laureadu Nobel da Pas José Ramos Horta asina ona petisaun hodi ezije Prezidente Repúblika Francisco Guterres Lú Olo rezigna an.

Angela dehan, Horta nia asinatura ne’e fó iha loron ne’ebé bainhira nia mai vizita sede nasional Rezistensia Nasionál Defende Justisa no Konstituisaun RDTL iha formoza iha Kinta (23/07).

Angela hatete, Horta rasik konkorda ho asaun ne’ebé RNDJ-KRDTL hala’o daudauk, no fó ona ninia assinatura ne’ebé sei tau hamutuk ho karta petisaun.

“Nia rasik konkorda no assinatura ne’ebé ita tau iha resepsaun ne’e automatikamente sei hatama mós ba iha petisaun ne’e, Dotor Ramos Horta rasik mós asina tiha ona. Karta petisaun ne’e pengantar de’it, maibé assinatura ne’ebé ita rekolla ne’e nia (Horta) mós termasauk asina tiha ona, tanba ita tau ona iha resepsaun no kada ema tama mai asina kedas,” dehan Angela ba jornalista INDEPENDENTE iha Sede Nasional RNDJ-KRDTL, Bairo Formoza, Kuarta (29/07).

Angela hatete, prezensa Horta iha Sede Nasional RNDJ-KRDTL nu’udar sinal pozitivu ida hodi enkoraza RNDJ-KRDTL atu hatur presedente ida  ne’ebé di’ak ba Timor-Leste nune’e jerasaun foun bele la’o tuir regras konstituisaun ninian.

“Nia rasik verbalmente aseita ona, no ha’u fiar nia sei la rezeita, bainhira hatama karta petisaun ba PR, karik nia (Horta) iha ne’e, kalru katak nia sei partisipa mós tanba iha konferensia imprensa dala hira ne’e nia sempre akompaña,” dehan Angela.

Read 503 times
Rate this item
(0 votes)