Tersa, 04 Agostu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-08-02&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Jornnalista sira ne'ebe destaka iha Parlamentu Nasional. Foto Esp. Jornnalista sira ne'ebe destaka iha Parlamentu Nasional. Foto Esp.

Laiha Enkuadramentu Legal, MF Seidauk Prosesa Frontline ba Jornalista

DILI: Ministériu Finansas to’o ohin loron seidauk prosesa pagamentu liña dahuluk ka frontline ba jornalista sira tanba ho razaun laiha enkuadramentu legal.

Ministru Finansas (MF), Fernando Hanjam hatete, to'o oras ne'e MF seidauk realiza prosesu pagamentu ba jornalista sira liña oin, tanba laiha baze legál.

“Ohin ami foti tiha ona iha ne'ebá atu ita bele haree enkuadramentu legál, halo rezolusaun ida kobre sira-nia direitu. Enkuadramentu legál ne'e mak laiha, ne'e mak ami tenke hatur iha ne'ebá par ita paga sira bazeia ba enkuadramentu legál, tanba ne'e hanesan baze legál ba ami, se laiha, ami labele halo," dehan Ministru Fernando iha Palasiu Governu, Kuarta (29/07).

Ministru ne’e hatete, nia kordena ona ho Ministru Asuntu Parlamentar no Komuikasaun Sosial (MAPKomS) Francisco Jeronimo atu buka solusaun ba kestaun ne'e.

“Agora ha'u ba kedan ha'u-nia ekipa jurídiku tenke ko'alia ho ekipa jurídiku husi MAPKomS nian par haree assuntus ida ne'e. Ha'u konfirma ona ho MAPKomS par no fim rezolusaun ne'e iha par ita bele rezolve ida ne'e," katak nia.

Iha fatin hanesan, MAPKomS Jerónimo hatete, nia parte sei defende direitu jornalista sira-nian, tanba nia parte finaliza ona prosesu validasaun.

"MAPKomS nia pozisaun nafatin, katak defende nafatin interese jornalista sira nian iha frontline, ha'u halo submisaun nafatin, ha'u halo tiha validasaun ona, agora ikus liu ne'e iha ministériu finansas," dehan Ministru Jerónimo.

Read 161 times
Rate this item
(0 votes)