Segunda, 14 Outubru 2019 | Login
Komandu Presiza Dadus Membru PNTL Envolve Arte Marsiál Foto PNTL

Komandu Presiza Dadus Membru PNTL Envolve Arte Marsiál

DILI: Relasiona informasaun ne'ebé Parlamentu Nasionál (PN) fó sai katak, membru Polisia Nasionál Timor Leste (PNTL) balun envolve arte marsiál. Ne'e duni, Komandante Jerál PNTL, Komisáriu Julião Hornai husu atu aprezenta dadus.

 “Ha'u presiza dadus, tanba iha ne’e ha'u konfirma Komandu Distritál Dili to’o agora ita seidauk hetan... maibé karik iha evidénsia ruma... mai ita kontaktu malu,” dehan nia, iha Palasiu Prezidensiál Ai-Tarak Laran, horisehik.

 Nia dehan informasaun ne’ebe iha terenu hetan, keixa mai iha Komando Jeral PNTL atu bele foti medida ruma membru ne’e.

 “Ami presiza informasaun klaru, keixa mai ami,” dehan nia.

 Antes ne'e, membru Parlamentu Nasionál dehan iha membru Polisia Nasionál Timor-Leste (PNTL) balun hamutuk ho grupu arte marsiál (GAM) hodi halo pasa-revista iha bairru balun.

 Deputadu César Valente 'Pilotu' hateten, situasaun iha territóriu Timor laran tomak la’o konduzivu, maibé iha kapitál Dili sempre akontese joven sira ne'ebé hamahan aan iha arte marsiál hodi halo konfrontasaun iha bairru balun halo komunidade sira la hakmatek.

Tuir nia, atu halo kualkér pasa revista iha fatin ne'ebé de'it, só PNTL no FFDTL mak iha kompeténsia, maibé loron joven sira mak halo fali pasa-revista ba malu.

 “Ha'u rona iha fatin balun arte marsiál sira balun halo pasa-revista ba malu, pior liután mak ha'u rona membru PNTL uza balun sivíl hamutuk ho grupu arte marsiál ne’e,” dehan César, iha plenária, Segunda (23/1).

 Nia husu ba PNTL atu forma ekipa ida ho karakter ne'ebé rigór hodi halo investigasaun atu ema sira ne’e bele kaptura lalais para ba hataan iha tribunál. 

Read 976 times Last modified on Sexta, 27 Janeiru 2017 12:00
Rate this item
(0 votes)
MidAd1