Kuarta, 15 Jullu 2020 | Login
KHUNTO KHUNTO

KHUNTO: FRETILIN La Hada’u Poder Featured

DILI:Deputada Bankada KHUNTO Olinda Guterres husu ba bankada CNRT atu labele fó sala ba partidu seluk, tanba CNRT rasik mak fó poder ba FRETILIN atu ukun nasaun ne’e.

Olinda dehan, nia agradese ba partidu FRETILIN ne’ebé ho fuan boot viabiliza governu konstitusional daualu.

“Imi CNRT, (ino nasional) patria-patria mós deputadu balun la tuir, ne’e hatudu katak 1999 la tuir votasaun. FRETILIN hada’u poder hanusa?, FRETILIN laos hada’u poder, ita mak fó poder ba FRETILIN, FRETILIN hakarak foti nasaun ne’e ba oin, FRETILIN laos mai atu hatun nasaun ne’e,” dehan nia iha Parlamentu Nasionál.

Kona-ba OJE 2020 ne’ebé xumba, deputada KHUNTO ne’e hatete, la’os ema seluk mak halo, maibé deputadu CNRT rasik.

“Signifika katak ita-boot sira mak fó poder ba FRETILIN, laos ema seluk mak entrega ba FRETILIN, neduni para ho hada’u poder, loloos ita agradese ita-nia nasaun lao ba oin,” dehan Olinda.

Tan ne’e, nia afirma, partidu KHUNTO sei kontinua asegura nafatin Governu konstitusional daualu la’o ba oin to’o mandatu remata.   

Read 1140 times
Rate this item
(0 votes)