Kuarta, 20 Janeiru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-01-19&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
SIK-PNTL halo invetigasaun ba iha residensia Presidente ANC hodi rekolla evidensia, kinta (26/11). Foto INDEPENDENTE/Domingos Gomes SIK-PNTL halo invetigasaun ba iha residensia Presidente ANC hodi rekolla evidensia, kinta (26/11). Foto INDEPENDENTE/Domingos Gomes

Kazu Rede Internet Ilegal, SIK Detein Presidente ANC Iha Sela Featured

DILI: Komandu Polisia Nasionál Timor-Leste (PNTL) liu hosi Servisu Investigasaun Kriminál (SIK) iha loron 26 Novembru 2020, oras tuku 11:00 ezekuta mandadu buska, dentensaun no apreensaun ba Presidente Autoridade Nasional Komunikasaun (ANC), João Oliveira Freitas, tanba deskonfia envolve halo koneksaun rede internet ilegal husi Operador Telekomunikasaun Telemor ho kompañia Elite Computer.

Entretantu, mandadu buska dentensaun no apreensaun ne’e SIK hala’o hodi ezekuta despasu Tribunál Distritál Dili (TDD) ho NUK 0166/20/PNSIK hodi halo investigasaun profunda no aprezenta primeiru julgamentu iha Tribunál Dili.

Prosesu detensaun ne’e hala’o lidera direita husi ekipa SIK, hamutuk ho IT Profesionál Timoroan, Abilio Bernardo Caldas halo tiha introdusaun ba mandadu tribunál nian hodi kontinua tau alsema ba Presidente Autoridade Nasional Komunikasaun (ANC), João Oliveira Freitas.

Suspeitu deskonfia halo kooresaun servisu ho suspeitu Diretór Elite Computer, MS no suspeitu Diretór Kompañia Telekomunikasaun Telemor (TVB) ligadu ho fornesimentu internet ilegál foti husi rede Indonézia nian hodi fornese ilegál ba Governu Timor-Leste.

Tanba supeitu na’in tolu deskunfia komete iha kazu frauda fiskal no burla informatika ne’ebé fó prejuizu ba Estadu Timor-Leste lakon osan barak.

Tuir obserbasaun Jornál INDEPENDENTE nota durante ezekuta mandadu buska no dentensaun no apreensaun, parte SIK halo apreensaun dokumentu importante sira relasiona ho kontra servisu liga ho Kompañia Telemor, Elite Komputer inklui prosesu selu taxa ne’ebé parte ANC rekolla husi Elite Komputer no Telemor nian durante ne’e.

Durante halo investigasaun parte investigador foti hotu dadus kontratu hosi kompañia fornesedor liña internet hamutuk (12) no, kompañia haat (4) maka la regista iha ANC inklui Elite Komputer no seluk tan.

Entretantu iha prosesu investigasaun fusionariu tomak iha Autoridade Nasional Komunikasaun (ANC-sigla Portugés), no Ministériu Transporte Komunikasaun hakfodak ho prezensa ekipa SIK.

SIK mós halo kedas apreensaun no rekolla dokumentu hanesan, laptop-macBook-AIR durante ne’e Presidente Autoridade Nasional Komunikasaun (ANC), João Oliveira Freitas. uza, dokumentu importante sira, hanesan karreta mobil espectrume ida ne’ebé uza atu halo kontrolu ba liña internet ilegál, totál tore kompañia Telemor nian  iha teritóriu Timor-Leste ho liña transmisaun rede internet ho lisensa, relatóriu konaba monitorizasaun frekuensia internet husi tinan 2017 too Setembru 2020, prosesu AFP hosi dokumentu 12 ne’ebé ANC regista no públika iha webside ANC nian no kompañia haat (4) nian dokumentu ne’ebé ANC seidauk públika iha sira nia webside no reseita ne’ebé ANC rekolla  hosi kompañia operador Telemor durante tinan 2017 too setembru 2020 nian.

Hafoin ekipa SIK remata investigasaun ba Presidente Autoridade Nasional Komunikasaun iha servisu fatin, edifisiu Ministeriu Transporte Komunikasaun MTK, kontinua lori suspeitu ba iha nia rezidensia iha area Kampung Baru Suku Komoro Postu Administrative Dom Aleixu Munisipiu Dili.

SIK too iha suspeitu nia rezidensia halo invetigasaun hodi rekolla mos evidensia dokumentu sira hanesan konta bankaria ho kareta privadu Maxda ida ho sapa matriku A.18.405 TL. Hafoin ida ne’e, SIK lori kedas suspeitu ba detein iha sela SIK Komandu Jerál PNTL KaiKoli Dili hodi kontinua halo prosesu investigasaun klean.

Read 447 times
Rate this item
(0 votes)