Sábadu, 08 Agostu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-08-07&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Amu Bispu Dioseze Dili, Don Virgílio do Carmo Amu Bispu Dioseze Dili, Don Virgílio do Carmo

Igreja Hakarak Membru VIII Governu Moos Featured

DILI: Igreja Katólika Timor husu ba governu foun ne’ebé atu forma tenke moos husu aktu krime korrupsaun, Koluzaun no nepotizmu (KKN).

Igreja hakarak atu ema ne’ebé kaer iha orgaun ezekutivu presiza ema ne’ebé laran no neon moos hodi serve povu hodi dezenvolve nasaun ne’e.

Amu Bispu Dioseze Dili, Don Virgílio do Carmo hatete, esperiénsia pasadu sai hanesan mestre ba ema hotu oinsá atu bele halo mudansa ba aan rasik. Governasaun ne’e tenke halo revizaun ba akontesimentu liubá atu bele harii futuru ne’ebé di'ak ba nasaun.

Na'i ulun sira tenke hili lider sira ne’ebé kredivel iha istória ne’ebé di'ak atu, nune’e ba asume buat ruma kuandu sai husi ne'ebá bele husik hela imajen di'ak ba instituisaun ne’ebé lidera ba.

“Estrutura governu ida ne’e tenke integradu no iha integridade atu sira bele kaer governu” dehan Amu Bispu, iha Episkopál, Lesidere-Dili, horisehik.

Esperansa husi Igreja Katólika nian ba VIII governu ne’e mak hakarak governu ne’ebé moos, transparente, membru governu sira tenke iha kredibilidade ukun nian.

Membru governu sira mós tenke realiza promesa sira ne’ebé kompromete ba povu sira iha baze durante iha prosesu kampaña eleitorál atu harii eskola, dada bee moos, estrada, eletrisidade no buat seluk tan, nune’e povu bele moris kontente iha era ukun aan ne’e.

Igreja husu ba sarani tomak atu fó fiar ba lideransa AMP sira fó nafatin korajen ba sira atu unidu kaer malu metin nafatin hodi harii governu ne’ebé mós dura to’o tinan lima, atu bele halo ukun ne’e ho loloos no momoos. 

Read 639 times
Rate this item
(0 votes)