Governu sei Sosa Pistola 50 ba PSIK Featured

By Domingos Gomes Agostu 26, 2019 3753
Pistola Pistola

DILI: Guverno liu husi Ministériu Justisa (MJ), mantein ho politika hodi sosa pistola , tanba ne’e tempu badak sei sosa pistola hamutuk 50 ba Polisia Sientéfika Investigasaun Kriminal (PSIK).

Ministru Justisa Manuel Carcerres da Costa dehan, planu sosa pistola ba PSIK aprezenta ona ba Konsellu Ministru halo tiha rezulusaun hodi haree ba taxa importasaun sasan hirak nee.

“Hau submete ona ba Konsellu Ministru, maibe seidauk halo ajenda, tanba nee hau hanoin semana oin ajenda ona para atu haree ida nee.” dehan Carcerres ba jornalista sira hafoin fo pose ba membru investigador kriminal PSIK iha salaun MSSI, Dili Kaikoli (23/08).

Nia dehan, orsamentu sosa pistola nee sei mai husi OJE 2019 hamutuk rihun atus ida.mdollar amerikanu ho osan neebé aloka ba iha PSIK nian.

Iha fatin hanesan, Diretór Polisia Sinetéfika Investigasaun Kriminal (PSIK) Vicente Fernandes Britos hatete, dadaun nee PSIK hein rezulusaun husi Konsellu Ministru hodi bele sosa arma ba PSIK, nunee membru sira bele utiliza hodi halo servisu.

“Hau hanoin tuir previsaun orsamentu talves ita bele hola 50 tuir tipu neebé mak diploma ministerial aprova tiha ona.” hakotu nia.

Rate this item
(0 votes)

Independente Digital TV