Governu Prevé Tokon $11,9 Sosa Viatura Featured

By Artur da Luz Dezembru 19, 2018 2963
Vise-Ministra Finansas, Sara Lobo Freitas Vise-Ministra Finansas, Sara Lobo Freitas

DILI: Governu liu husi Ministériu Finansas prevé orsamentu montante tokon $11 atu sosa viatura ba ekipa tékniku instituisaun estadu no autoridade munisipál, inklui xefe suku iha territóriu tomak.

Vise-Ministra Finansas, Sara Lobo Freitas hateten, posibilidade Governu foti osan husi fundu rezerva kontinjénsia atu sosa viatura ba apoia tékniku liña ministériu sira implementa servisu iha terrenu tuir planu ho programa ne’ebé estabelese ona.

Nia dehan, Governu premite lista ba Komisaun C Parlamentu Nasionál, atu fó pertende ba Governu atu sosa viatura sira ho totál orsamentu tokon $11.9 viatura sira ne’e sei distribui ba instituisaun estadu sira.

“Iha tokon $11.9 ne’e atu sosa karreta ba ne’ebé alokadu ba ministériu hotu, inklui instituisaun estadu sira”, dehan Vise Ministra Sara, iha diskusaun Orsamentu Jerál Estadu, iha Uma Fukun PN, Sesta (14/12).

Nune’e, nia dehan, iha aprezentasaun Komisaun Revizaun Orsamentál (KRO) iha Setembru liubá, liña ministériu sira aprezenta preokupasaun hodi sosa viatura. Tanba ne’e, ekipa tékniku KRO avalia orsamentu totál tokon $11.9 hodi sosa.

Maibé, Governante mós la esklarese tipu kareta ne’ebé atu sosa hodi no motorizada ba xefe suku sira hodi hala’o servisu estadu iha terrenu.

Nia hatutan, proposta ne’e mós autoriza atu sosa karreta ho Autoridade Munisipál Timor laran tomak, inklui motorizada ba xefe suku sira, Provedoria Direitos Humanos no Justiça (PDHJ), Prokuradoria Jerál Repúblika (PJR) no Tribunál.

Rate this item
(0 votes)

Independente Digital TV