Segunda, 14 Outubru 2019 | Login
Igreja Motael Dili Igreja Motael Dili

Governu Aloka Tan Osan Tokon ba Igreja

DILI: Kada tinan Igreja Katolika husu osan ba Estado ba konstrusaun Igreja iha teritóriu Timor-Leste. Iha tinan ne’e (2017) Governu kontinua ofrese osan atu kontinua halo konstrusaun Igreja Katolika no Protestante tuir proposta ne’ebé hatoo iha tinan 2016.

Tuir Koordenadór Apoiu Sosiedade Sivíl, Gabinete Primeiru Ministru, Joaquim da Costa Freitas hatete, total osan hamutuk tokon $4 dolar Amerika sei fó apoiu ba serbisu sosiedade sivil inklui relijaun sira hotu ne’ebé sai parseiru ba dezenvolvimentu Timor-Leste.

 Maski nune’e, nia la esplika detaillu kada Igreja no sosiedade Sivil sira sei hetan osan hirak husi total orsamentu ne’e.

 “Tinan ida ne’e (2017) iha orsamentu ba sosiedade  sivíl, kuatru miloens kuatru sentus sinkuenta (dollar Amerika), ”dehan Koordenadór ne’e ba INDEPENDENTE iha Otél Vila Verde Dili, foin lalais.

 Tuir Kordenador Joaqium dehan, osan sira ne’e sei dezignadu obras sira ne'ebé agora daudaun sei la'o hela liu-liu hanesan konstrusaun Igreja inklui eskola balun.

 Durante ne'e Gabinete Sosiedade Sivíl GPM fó apoiu barak mós ba programa Igreja Katólika, Protestante, Musulmanu no Hindu  hodi hetan fundus harii Igreja no programa seluk.

 Iha tinan 2016, Joaquim konfesa katak, aloka tokon $9 dolar Amerika hodi ba konstrusaun Igreja sira inklui eskola no programa sosiedade sivíl nian.

 Tuir planu iha tempu besik, GPM no reprejentante PM sei asina akordu kooperasaun ho Konferensista Episkopál hodi jere rasik sira nia orsamentu.

Read 642 times
Rate this item
(0 votes)
MidAd1