Sábadu, 07 Dezembru 2019 | Login
Governadór Banku Sentral Timor Leste (BCTL) Abrão de Vasconcelos. Governadór Banku Sentral Timor Leste (BCTL) Abrão de Vasconcelos.

Governadór BCTL: OJE 2020 Fó Impaktu ba FP Featured

DILI: Orsamentu Jeral Estadu (OJE) 2020 la’os de’it hetan kritika husi membru Parlamentu Nasionál sira, maibé hetan mós kritika husi Governadór Banku Sentral Timor Leste (BCTL) Abrão de Vasconcelos.

Tuir governadór ne’e montante OJE 2020 ne’ebé boot, hamutuk billaun $1.95, fó implikasaun ba Fundu Petroliferu Timor Leste nian.

Tuir informasaun, iha OJE 2020, governu foti osan hamutuk billaun $1.4 resin husi Fundu Petroliferu.

“OJE 2020 nia montante konserteja boot liu ida 2019. Atu foti boot liu ka ladun boot mós bainhira nia liu ona rendimentu sustentavel sira ne’e nia impaktu sempre iha,” deklara Governadór BCTL ne’e hafoin enkontru ho Prezidente Repúblika Francisco Guterres Lu Olo iha Palasiu Prezidensial Bairo-pite, Kinta (14/11).

Nia hatutan, mudansa númeru OJE husi 2019 ba 2020 ne’e mosu karik tanba nesesidade investimentu ne’ebé aumenta.

“Konserteja situasaun agora diferente tanba nesesidade atu halo investimentu iha Kosta Sul aumenta, nesesidade atu halo investimentu Greater Sunrise karik, ne’e nesesidade iha konserteza duni aumenta, maibé implikasaun sei iha,” katak nia.

Read 216 times
Rate this item
(0 votes)