Kuarta, 21 Agostu 2019 | Login
FRETILIN FRETILIN

FRETILIN Kestiona Legalidade Kalbuadi Lidera Expo Dubai Featured

DILI: Desizaun Konsellu Ministru hodi deside Francisco Kalbuadi Lay, lidera ekipa Timor-Leste ba Expo Dubai, kontra lei. Tanba agora daudaun Kalbuadi hetan aplikasaun Termu Identidade Rezidensia (TIR) husi Ministériu Públiku (MP).

Bankada opozisaun FRETILIN iha Parlamentu Nasionál konsidera VIII Governu ne’ebé lidera husi Taur Matan Ruak, ema ida simu desizaun TIR husi MP maibé Governu entrega reponsalblidade ba hodi lidera ekipa TL ba estranjeiru. 

Bankada FRETILIN hato’o deklarasaun polítika ne’e liu husi deputadu José Agostinho Sequeira “Tsomoxo” tanba konsidera Governu La kumpre medida koasaun ne’ebé Tribunál Distritál Dili hatun ona.

Tuir nia, lei bandu ona kuandu sidadaun ida mak hetan ona mediada koasaun husi Tribunál labele sai husi área juridiku TL, maibé deputadu Kalbuadi Lay bele hetan fiar husi Governu hodi lidera ekipa iha Expo Dubai.

“Ami Bankada FRETILIN preokupa sidadaun timoroan laiha maka Governu sempre fó fiar ba Kalbuadi hodi asume reponsalblidade iha expo ne’e”, tenik nia, iha Parlamentu Nasionál, horisehik.

Hataan deklarasaun ne’e, Xefe Bankada CNRT, Deputadu Duarte Nunes dehan, sira-nia partidu to’o agora la hatene sira-nia Sekrtariu Jeral, Kalbuadi Lay, hetan TIR husi Ministériu Públiku.

Tanba partidu hatene de’it Kalbuadi ne’ebé asmue knaar nu’udar deputadu la husu hasai ninia imunidade, maibé ho volontariu nia ba hasoru ona prosesu justisa.

Alende ne’e, Ministru Reforma Lejislativu Asuntu Parlamentares (MRLAP) Fidelis Magalhaes mós esplika, kona-ba partisipasaun deputadu Kalbuadi nian iha expo ne’e konsidera figura ne’ebé iha esperiensia boot kona-ba asuntu ne’e rasik.

Membru governu ne’e hatutan, expo ne’e tenke ema ne’ebé iha esperiensia, Governu labele tau ema naran de’it depois halo konfuzaun iha ninia servisu.

“Ita koloka nia tanba ita hatene ninia matenek no esperiensia, tanba ne’e mak ita fo responsalblidade ne’e ba nia” tenik Fidelis.

Entertantu, kona-ba estatutu Kalbuadi nian, nia akresenta, Governu hetan informasaun katak Sekretáriu Jerál CNRT ne’e ninia kazu la todan no laiha desizaun ida mak atu taka ninia partisipasaun iha kualker eventu rai laran no rai liur.

Maibé ohin governu rona fali deklarasaun deputadu Tsomoxo nian katak Kalbuadi hetan TIR, entaun halo hakfodak tanba informasaun ne’ebé governu hetan diferensia ho saida mak deputadu hetan.

Antes ne’e, Ministeriu Publiku hasai ona TIR ba Francisco Kalbuadi Lay relasiona ho projetu konstrusaun jardin iha Rejiaun Administrasaun Espesial Oekusi-Ambenu (RAEOA), bainhira sei asume kargu nu’udar Ministru Turizmu (MT) iha tempu Governu AMP.

Entretantu, tuir Kodigu Prosesu Penal (KPP) arguidu neebe hetan ona aplikasaun TIR iha direitu bele halo viajen ba rai liur durante loron 15 hafoin hetan autorizasaun husi Tribunal.

Read 297 times
Rate this item
(0 votes)
MidAd1