×

Atenção

JUser: :_load: Não foi possível carregar usuário com ID: 430

Servisu Imigrasaun Envolve Kobransa Ilegál Barak Featured

By Jacinto Xavier Juñu 27, 2019 1577
Ministru Paixao Ministru Paixao

DILI: Servisu Migrasaun iha fronteira envolve kobransa ilegál barak. Durante ne’e dala balun halo servisu la tuir regra prosedimentu legál, tanba ne’e iha kazu lubun ida submete ona prosesu justisa.

Ministru Interiór Interinu, Filomeno Paixão, kosidera Servisu Migrasaun iha fronteira halo kobransa la tuir regra. Prosesu balun haruka ona ba Komisaun Anti Korrupsaun (KAK) hodi halo investigasaun.

Prosedimentu Servisu Migrasaun ne’ebé la tuir regra ne’e identifikadu hafoin Ministériu Interior orienta Gabinete Inpesaun ba haree direta servisu iha área fronteira nian.

“Iha Kazu balun ha’u submete ona ba Komisaun Anti Korrupsaun (KAK) no balun Gabinete Inspesaun Jerál sei haree hela”, dehan Ministru Filomeno, iha Palásiu Prezidensiál Bairru-Pité, horisehik.

Nia esplika, atu kontrola Servisu Migrasaun nian difisil tanba sistema kontrolu ne’e sei uza manuál, entaun iha difikuldade atu deteta osan fuga iha fatin ruma.

Bainhira monta hotu ona sistema ínternet no CCTV, ema tama-sai bele akapta no rejistadu iha hotu software, entaun atu eskapa ba iha kobransa ilegál ne’e susar.

Oras ne’e, Ministériu Interiór tau ona osan atu halo tenderizaun sosa ka halo sofistikasaun ba ekipamentu internete hodi monta iha mota-ain no aeroportu Komoro, atu nune’e governu labele iha eskapa ba taxa.

Kazu konkretu ne’ebé ministériu submete ona ba KAK maka sosa karimbu 32 no kada karimbu ho kustu $400.

Rate this item
(0 votes)

Independente Digital TV