Domingu, 17 Janeiru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-01-16&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Maskra ba prevensaun Covid-19. Maskra ba prevensaun Covid-19.

EE Dahaat: Barak La Uza Maskara, La Fase Liman Featured

DILI: Prezidente Repúblika Francisco Guterres Lú Olo deklara ona estadu emerjensia periodu dahaat, hahú husi 6 Agostu to’o 5 Setembru 2020. Maske nune’e, iha loron dahuluk implementasaun EE dahaat ne’e, maioria populasaun, liu-liu iha kapital Dili mak la kumpre regras ba prevensaun Covid-19.

Iha deklarasaun EE dahaat, PR Lu Olo husu atu hotu-hotu tenke haktuir prátika fase liman beibeik, uza máskara no distansiamentu sosial, atu idaidak bele hasees an husi Covid-19, no karik moras, la hada’et ba ema seluk.

Maske nune’e, realidade hatudu katak, komunidade barak mak la uza maskara, haluha ona fase liman, no la aplika distansiamentu fizika no sosial. Atu ida ne’e bele haree iha sentru faan no sosa sasan balun iha kapital Dili.

Responsável Loza Meimart, Deonísio Lopes hatete, maske EE dahaat ne’e hahú aplika ona, maibé ema barak mak la kumpre regra husi Minisitru Saúde (MS) no Organizasaun Mundial Saúde (OMS).

“Iha ami-nia loza ami tau nafatin bee no sabaun, maibé kliente balun mai lá fase liman iha bee ne'ebé ami prepara, inklui balun lá uza maskre, entaun ida ne'e susar ita atu halo prevensaun ba surtu Covid-19 iha Timor-Leste,” dehan Deonísio iha nia knar fatin, Audian, Díli, Kinta (06/08).

Ba ninia trabaladór sira, nia dehan, Meimart kontinua aplika regras prevensaun, katak trabaladór sira tenke uza maskra no tau luvas bainhira halo atendimentu ba kliente sira.

Aleinde ne’e, tuir observasaun jornalista INDEPENDENTE nota katak iha loza balun maioria kompradór la fase liman no la uza maskra bainhira ba sosa sasan. Iha fatin públiku balun, hanesan iha Largo Lecidere no Jardin 5 Maiu, ema barak tuur hamutuk la tau maskra no la aplika distansiamentu fiziku.

Entretantu, iha fatin ketak, observadór husi Universidade Nasionál Timor Lorosa’e (UNTL), Camilo Ximenes hatete, maske estadu implementa ona EE dahaat, maibé povu la preparadu.

"Ita haree depois estadu emerjensia realidade komunidade balun la kumpre ho regras prevensaun,” dehan nia.

Read 1161 times
Rate this item
(0 votes)