Tersa, 15 Outubru 2019 | Login
Vise Ministra Edukasaun Dulce de Jesus Soares Vise Ministra Edukasaun Dulce de Jesus Soares

Aplika Semi-Militar ba Estudantes La Edukativu

DILI: Governu lakohi eskola sira aplika sistema semi-militar ba estudante sira iha prosesu orientasaun.

Ministériu Edukasaun konsidera prosesu orientasaun akadémiku ba kandidatu estudante foun hosi Eskola Pre-Sekundária, Sekundáriu too universidade ho semi-militar la edukativu.

“Orientasaun semi-militar hodi kastigu kandidatu estudante foun bomba rai, halo agresaun fíziku, no tata supete no pinta estudante sira nia oin ladún hahalok la edukativu,”dehan Vise Ministra Edukasaun I,  Dulce de Jesus Soares ba jornalista iha Timor Plaza.

Tanba ne’e, Governu orienta ona ba eskola hotu-hotu atu halo orientasaun ho sistema edukativu hanesan. Orientasaun edukativu mak, tuir Vise Ministra ne’e katak, kuda ai-funan iha ambiente eskola no hatoo programa prioridade hosi eskola, lori estudante ba fatin istóriku hanesan muzeu, limpeza iha resintu, ko'alia kona-ba étika morál, saúde no siénsia seluk tan.

 Aliende ne’e, komisaun organizadora tenke hatoo programa eskola nian ho sistema edukativu ne'ebé di'ak atu kandidatu estudante foun koñese profil no ambiente akadémiku eskola ho di'ak.           

 

overnu kontra sistema semi-militar desde tinan kotuk no espera katak situasaun ne'e labele akontese fali iha tinan 2017 ba oin.

Read 484 times
Rate this item
(0 votes)
MidAd1