Kuarta, 02 Dezembru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-12-01&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota metric 'Queries' and limit 'Queries per day' of service 'analytics.googleapis.com' for consumer 'project_number:402577812915'.
Komisaun Anti Korrupsaun, Provedoria Direitus Humanus no Justisa, no Inspesaun Jeral Estadu halo inspesaun, Kinta (22/10), identifika aimoruk barak ne’ebé liu ona prazu no aimoruk balun ne’ebé laiha kualidade butuk hela iha armajen Servisu Autonomu Medikamentu no Ekipamentus Saúde (SAMES). FOTO: INDEPENDENTE/Jonio da Costa. Komisaun Anti Korrupsaun, Provedoria Direitus Humanus no Justisa, no Inspesaun Jeral Estadu halo inspesaun, Kinta (22/10), identifika aimoruk barak ne’ebé liu ona prazu no aimoruk balun ne’ebé laiha kualidade butuk hela iha armajen Servisu Autonomu Medikamentu no Ekipamentus Saúde (SAMES). FOTO: INDEPENDENTE/Jonio da Costa.

Aimoruk Liu Prazu Butuk iha Armajen SAMES Featured

DILI: Ekipa konjunta husi Komisaun Anti Korrupsaun (KAK), Provedoria Direitus Humanus no Justisa (PDHJ) no Inspesaun Jeral Estadu (IJE) liu husi ninia inspesaun identifika aimoruk lubuk ne’ebé liu ona prazu butuk hela iha armajen Servisu Autonomu Medikamentu no Ekipamentus Saúde (SAMES).

Inspetór Jeral Estadu Francisco do Carvalho informa, nia parte hetan orientasaun husi Primeiru Ministru Taur Matan Ruak hodi mai haree aimoruk hirak iha SAMES tanba tuir informasaun aimoruk balun la tuir rekejitus.

“Aimoruk balu mós tama ona iha kategoria prazu, balu hela de’it ona fulan ida, balun hela loron 10, barak loos mak tama ona iha periodu prazu, ida ne’e hanoin katak labele distrui ona ba li’ur no hein par atu destroi,” dehan Francisco hafoin inspesaun, iha edifisiu SAMES, Kampung Alor, Kinta (22/10).

Tuir nia, ida ne’e akontese tanba dala-ruma siklus jestaun iha SAMES nia laran ne’ebé ladun jere di’ak aimoruk ne’ebé tama.

“Ohin iha armajen ne’e ita-boot sira (jornalista) haree rasik aimoruk barak la halimar, kaixa de’it mak hada iha armajen laran, ne’e ita-boot sira haree rasik,” dehan

Kona-ba kuantidade aimoruk ne’ebé besik liu prazu ona, Inspetór ne’e hatete, tekniku sira sei sura kuantidade husi aimoruk hirak ne’e.

“Maibé iha armajen laran ne’e hada nakonu iha laran,” dehan nia.

Kona-ba aimoruk ne’ebé la tuir rekejitus, nia dehan, tuir informasaun husi parte SAMES, kompaña hatama aimoruk amoxillin syrup, dopamine, no erythromycin, maibé parte SAMES rezeita tanba aimoruk ne’e la tuir rekejitus.

Aleinde ne’e, nia dehan, SAMES mós hola inisiativa hodi haruka aimoruk hirak ne’e ba laboratoriu iha Australia hodi halo teste no ikus mai rezultadu hatudu katak aimoruk hirak ne’e la priense duni rekezitus ka nia kualidade menus.

Iha inspesaun ne’e, nia hatutan, nia parte identifika mós kauza ne’ebé hamosu problema balun relasiona ho kualidade aimoruk no aimoruk ne’ebé liu prazu.

Nia dehan, problema prinsipal mak SAMES laiha laboratoriu propriu atu halo teste ba aimoruk no tekniku iha laboratoriu mós menus.

“Laboratoriu ida ohin ami haree ne’e laos laboratoriu, ne’e mini laboratoriu atu teste buat ki’ik-oan sira de’it, loloos ne’e tenke iha laboratoriu ida propriu duni atu teste medikamentu sira ne’e, aimoruk sira ne’ebé mak hatama mai iha Timor ne’e tenke lori mai halo teste.”

Liu husi teste, nia dehan, mak bele identifika aimoruk sira ne’ebé importa ne’e falsu ka nia kualidade menus.

Iha fatin hanesan, Diretór SAMES Santana Martins hatete, nia parte presiza atu haree didi’ak problema ne’e hafoin bele fó informasaun ne’ebé klaru.

Kona-ba laboratoriu, nia dehan, SAMES iha rekursu atu serbisu iha laboratoriu, maibé presiza investe iha ekipamentus.

“Ami-nia komitementu ami hatur ona iha regulamentu internu katak laboratoriu ba teste medikamentus tenke hahú maibé komponente sira seluk tenke kontribui mós ba ami, liu-liu apoiu finanseiru, tanba investimentu iha area laboratoriu ne’e laos buat ida fasil, laos buat ida baratu, atu asegura kualidade tenke presiza investimentu,” dehan nia.

Read 390 times
Rate this item
(0 votes)