Domingu, 22 Jullu 2018 | Login
Funa-moras tanba domin. FOTO: Healthline  Funa-moras tanba domin. FOTO: Healthline

La Simu Feto Fó Para, Mane Halo Violensia Featured

DILI: Sentimentu labele obriga. Bainhira la hadomi ona, di’ak liu husik nia la’o tuir ninia hakarak. Labele obriga atu nia tenke mantein. Maibe ida ne’e la akontese ba mane ho inisial AS.

Mane ne’e la simu bainhira feto ne’ebé nia hadomi ho inisial NMV deside hodi hapara sira-nia relasaun domin ne’ebé sira hala’o durante ne’e.

Tuir akuzasaun husi Ministériu Públiku, iha 5 Setembru 2017 tuku 3.00 loraik bainhira NMW tuun husi karreta 010 iha Kampung Alor-Dili no la’o daudaun ba uma, iha momentu ne’e AS mosu ho motor no haruka NMW para.

Bainhira NMW para AS hakbesik an hodi husu tanba saida mak NMW hapara sira-nia relasaun domin.

NMW deside hodi la hatan no kontinua la’o daudauk. AS ne’ebé nervozu tuun husi motor leten no hahú halo agresaun fiziku hasoru NMW.

“AS tuku iha NMW nia hasan karuk, tuku dala rua iha rentos, tuku dala rua iha kanuruk no ikus liu tuku tan dala ida iha kanosen karuk,” deklara MP iha ninia akuzasaun.

Hafaoin halo agresaun fiziku ba lezada, arguidu foti nia motor no halai ba uma.

Kusekuensia direita husi agrasaun fiziku rezulta lezda sente moras no bubu iha lezada nia isin lolon no tenke ba halo tratamentu iha ospital.

Tanba ne’e MP akuza arguidu ho krime ofensas integridade fiziku simples konjuga ho violensia domestika. 

Ba kestaun ne’e, lezada deklara daudaun ne’e sira na’in rua laiha relasaun domin ona.

Molok hala’o jugamentu, Tribunál husu ba lezada atu dada fali keixa ne’e tanba  krime ne’e nia natureza semipúbliku nune’e lei fó dalan bainhira lezada hakarak dada fali ninia keixa.

Lezada deklara ba Tribunál katak nia perdua ona arguidu maibé husu ba arguidu atu iha loron seluk labele halo tan hahalok hanesan ba ema seluk.

“Ha’u perdua nia ona maske nia hamoras ha’u maibé nudar umanu ha’u perdua nafatin nia,” dehan lezada iha sala audensia Tribunál, Kinta (05/04).

Iha fatin hanesan arguidu husu deskulpa ba lezada iha Tribunál oin no nia mós promete katak nia sei la halo tan hahalok hanesan ne’e ba ema seluk iha futuru.

Tribunál rona tiha ida ne’e, Tribunál homologa kedas krime ne’e no absolve arguidu husi krime ida ne’e. 

Ministériu Públiku no Defensór Públiku konkorda ho lezada nia desizaun no husu ba Tribunál atu absolve arguidu husi krime ne’e.

 

Read 241 times
Rate this item
(0 votes)