×

Atenção

JUser: :_load: Não foi possível carregar usuário com ID: 424

Tribunal Adia Kazu Kupon Mina Estadu

By Martinha Gusmão Fevereiru 01, 2017 1256
Sentru estasaun mina iha Dili Sentru estasaun mina iha Dili

DILI: Tribunál Distritál Dili (TDD) deside adia julgamentu kazu kupon mina estadu ne’ebé ense ba karreta privadu ba loron 16 Juñu 2017 tuku 9:30 dader, tanba arguidu Nelson Viegas la marka prezensa iha audensia julgamentu.

Juiz Prosesu Ivan Antonio hatete, tuir lei bainhira arguidu, lezada ka testamuña la marka prezensa Tribunál sei adia julgamentu ba loron seluk.

Iha kazu fa’an kupon ne’e, arguidu na’in lima (5) mak envolve hanesan; arguidu Isau Perreira, Mariano Perreira, Gil da Silva, Alvaro da Silva dos Reis, no Nelson Viegas.

Ministériu Públiku akuza arguidu na’in 5 ne’e komete krime reseptasaun tuir artigu  272 kodigu penal Timor-Leste.

Tuir akuzasaun husi MP, iha 5 Marsu 2015 tuku 9:30 dader, Polisia Servisu Investigasaun Kriminál Nasionál (PSIKN) hetan arguidu na’in 3 uza kupon mina estadu nian ho valor $80 hodi ense mina ba karreta privadu iha Ruvic Fuel.

Kupon mina ne’e pertense ba Ministériu Solidariedade Sosial no Ministériu Edukasaun.

Arguidu na’in rua (2) seluk, Isau Perreira no arguidu Alvaro da Silva dos Reis nudar trabalhadór iha kompaña Ruvic fuel hetan akuzasaun envolve iha krime pekulatu tuir artigu 295 kodiku penal Timor-Leste, tanba arguidu na’in 2 ne’e mak faan mina.

Rate this item
(0 votes)

Independente Digital TV