Sexta, 20 Outubru 2017 | Login
Osan moeda foun Timor-Leste Osan moeda foun Timor-Leste

Timor iha Osan Foun Sentavu 200 Featured

DILI: Banku Central Timor Leste (BCTL) produs ona osan koin foun ho valór sentavu 200 ka vale ba $2. Moeda foun ne’e tuir planu sei hahú lansa no sirkula iha Timor, iha 13 Setembru 2017.

Moeda foun 200 sentavu sei sai hanesan moeda ho denominasaun ne’ebé aas liu kompara ho moeda sira seluk ne’ebé sirkula tiha-ona iha Timor-Leste, ho valór ne’ebé korresponde US$ 2.

Imajen husi moeda foun ne’e reprezenta kultura no país nia istória.

Espesifikamente imajen iha osan koin ne’e sorin foho Matebian, ne’ebé reprezenta istória luta ba independénsia. Nune’e, sorin seluk imajen karau-timur no produsaun hare, hodi reprezenta timoroan ninia vida moris loron-loron.

Espesifikasaun ba moeda 200 sentavu mak hanesan tuir-mai ne’e: Diámetru 25.50mm, Todan 8.46g no Materiál Núkleu internu: CuNizn no Núkleu esternu: CuNi.

Prezidente BCTL, Abraão Vasconcelos hateten, hahú 13 Setembru 2017, BCTL sei kolabora ho banku komersiál sira iha Timor-Leste hodi halo sirkulasaun ho montante tokon $6.

Governadór mós introdús ekipa ida husi Banku Sentrál ne’ebé sei vizita munisípiu hotu-hotu hahú husi Kinta-Feira loron 24 Agostu 2017 to'o loron 8 Setembru 2017 atu divulga ba públiku dezeñu osan-besi foun, no esplika kona-ba nesesidade introdús denomination foun no hatán ba pergunta ruma karik iha.

Osan besi foun ne’ebé produs husi kompañia Royal Austrália ne’e, tuir planu, atu substitui osan tahan ne’ebé sei sirkula iha Timor. Tanba osan tahan Dollar Amerikanu ne’ebé ninia durasaun badak, to’o tempu sei bosan no naklees.

Nune’e, osan ne’ebé transporta husi Amérika mai to’o iha Timor-Leste ninia kustu boot. Tanba ne’e, gradualmente BCTL hanoin hodi ‘elimina’ neineik-neineik osan rahun Dollar Amerikanu iha nasaun ne’e husi $1 to’o $5 tahan.

“Banku Sentrál gradualmente sei hamenus importasaun. To’o iha momentu ida ne'ebé kuandu nesesidade premite ita la halo tan impiratasaun sentavu 500”, dehan governadór Abraão, iha ninia servisu fatin, horisehik.

Nia esplika, planu hodi rekolla $1 to’o $5 hahú ona iha 2013, ne’e duni agora daudaun adota moeda ofisial bazikamente koin sentavu atu premite tranzasaun ekonomia nian.

 

Read 496 times
Rate this item
(0 votes)
  • MidAd1
  • Heineken Klaran
AdBottom1