Sábadu, 23 Marsu 2019 | Login
Ministru Obras Públika, Salvadór Soares dos Reis Pires Ministru Obras Públika, Salvadór Soares dos Reis Pires

MOP Identifika Projetu 96 iha Kontratu Featured

DILI: Governu kontinua halo avaliasaun ba projetu 142 iha territóriu tomak. Nune’e rezultadu hatudu dokumentu Ministériu Obras Públika (MOP) identifika projetu 96 mak iha kontratu.

Ministru Obras Públika, Salvadór Soares dos Reis Pires, hateten, pagamentu ne’ebé ba projetu 142 ne’ebé kontinua avalia, maibé hein Komisaun Inkéritu Parlamentár (KIP) mosu dala ruma pagamentu mós halo hotu ona.

“Ami kontinua hein desizaun husi Konsellu Ministru no orientasaun Parlamentu Nasionál atu halo pagamentu ba projetu sira ne’ebé laiha kontratu”, dehan nia, iha edifísiu Ministériu Finansas Ai-Tarak Laran, Sesta (19/10).

Oras ne’e MOP kontinua simu pedidu hodi halo avaliasaun bazeia ba kontratu, realizasaun fíziku iha terrenu. Nune’e, Ajénsia Dezenvolvimentu Nasionál (ADN) mós rekomenda atu halo pagamentu projetu boot ne’ebé iha ona kontratu.

Maski nune’e, MOP mós simu orientasaun husi Xefe Governu no Prezidente Parlamentu Nasionál bele ezekuta atu halo pagamentu ba projetu sira ne’ebé hetan ona kontratu. Maibé, nia rasik mos la dekor montante osan hira ba projetu hirak ne’e.

Tanba ne’e, MOP kontinua hein desizaun husi Konsellu Ministru ho Parlamentu Nasionál atu foti desizaun ba projetu balun ne’ebé identifika laiha kontratu.

Read 1333 times
Rate this item
(0 votes)