Kinta, 16 Agostu 2018 | Login
Dollar Amerika Dollar Amerika

Kapitál Fundu Petrolíferu Hamutuk Biliaun $16.80 Featured

DILI: Banku Central Timor Leste (BCTL) lansa relatóriu Trimestrál fundu mina-rai TL ne’ebé termina iha loron 31 Dezembru 2017.

Iha relatóriu ne’e hatudu katak, kapitál fundu iha trimestre ikus ne’e hamutuk biliaun $16.80 dollar Amerika kompara ho fim trimestre dahuluk nian ne’e biliaun $ 16.69 dollar Amerika.

Vise-Governadór Banku Central, Venâncio Alves Maria hateten, relatóriu ne’e mós hatudu reseita brutu seluk bá fundu iha trimestre ikus, husi royalties no taxa tokon $94.88. Transferénsia bá OJE 2017 iha trimestre Dezembru 2017 tokon $343.80. Durante trimestre ne’ebé termina iha 31 Dezembru 2017 fundu petrolíferu hetan prejuizu (perda) tokon $360.73

Nune’e, totál reseita hudi fundu petrolíferu durante tinan ida (Janeiru to'o Dezembru 2017) hamutuk biliaun $ 16,80. Reseita brutu seluk bá fundu, inklui husi royalties no taxa millaun $421. Transferénsia bá OJE 2017 hamutuk biliaun $1.079. Nune’e, durante tinan 2017 fundu petrolíferu hetan prejuizu (perda) biliaun $1.612.

Iha fatin hanesan, Peskizadór La'o Hamutuk, Juvinal Dias hateten, tuir relatóriu ne’ebé Banku Central fó sai ne’e hatudu katak tinan ne’e TL nia rendimentu di’ak tebes kompara ho tinan sira seluk.

Nune’e, Koordenadór Fundu Petrolíferu Ministériu Finansas, Filipe Nerio hatutan, tuir relatóriu trimestre ne’ebé lansa ne’e hatudu daudauk progresu ne’ebé di’ak, tanba halo kompara ho trimestre sira seluk ne’e kuaze la hanesan.

Read 309 times
Rate this item
(0 votes)