Sexta, 24 Setembru 2021 | Login
Ekipamentu Saude Ekipamentu Saude

PN Husu MS Tau Matan Ba Ekipamentu HNGV

DILI: Parlamentu Nasionál liuhusi deputada Ilda Maria da Conceicão husu ba Ministériu Saúde atu tau matan ba ekipamentu Hospital Nasionál Guido Valadares tanba tuir keixa ne’ebé tama katak, pasiente balun mate tanba menus ekipamentus.

Deputada nee dehan, Iha Semana kotuk  doutór sira iha Ospitál Nasionál Guido Valadáres la konsege salva pasiente nain 3 nia vida tanba kauza husi falta ekipamentu respirasaun ‘Ventilador’ ne’ebe ajuda pasiente  atu dada iis.

Deputada Ilda Maria da Conceicão nia hare katak, ekipamentu ventiladór ne’ebé ajuda pasiente atu dada iis iha ospitál nasionál hamutuk 2 deit tanba ne’e pasiente sira ne’ebé presija liu ema nain rua ne’e sei afeta ba pasiente sira seluk nia vida.

Realidade iha semana kotuk pasiente nain 3 mak tenke lakon vida tanba ekipamentu ventilador la to’o.

Informasaun ne’ebé nia rona katak,  doutór Timoroan ida husu ona ba organizasaun naun governamental husi nasaun Australia atu sosa ekipamentu ventilador mai iha ospital sira.

Governu Timor-Leste durante ne’e investe makaas iha setór saúde hodi tau osan barak, tanba ne’e servisu ospitál sira tenke hare didiak ekipamentu importante sira ne’ebé la sufisiente tenke halo pareser ruma ba Ministériu tutela atu nune’e bele aranja.

“Ita nia ema mate mak foin ita ba husu  atu halo doasaun ekiapamentu mai ita. Ne’e la’os tempu ona, ita iha osan tenke tau hodi sosa ekipamentu” dehan Ilda Maria iha PN Tersa horseik.

Read 760 times
Rate this item
(0 votes)

About Author