×

Atenção

JUser: :_load: Não foi possível carregar usuário com ID: 422

MS Sei Halu’an Sala Emerzénsia HNGV

By Marsu 24, 2017 1042
Ministeriu Saude Ministeriu Saude

DILI: Iha Tempu badak Ministeriu Saúde (MS)  sei halu’an  ka Loke tan sala Emerzénsia Hospital Nasional Guido Valadares (HNGV).

Vice Ministra Saúde Ana Isabel Soares hatete, loke luan tan estensaun espasu ba iha departamentu salaun Emerzensia HNGV ne’e tanba hetan suporta osan husi povu Japaun liu husi Embaixada Japaun iha Timor Leste ho montante osan $ 83.000.

“Ema sempre kritika bebeik problema saude liu-liu HNGV. Ami halo buat hotu dehan la diak nafatin no esforsu ne’ebé ami halo  dehan la to’o  nafatin. Krik husi osan estadu la sufisiente ne’e duni husi Govenu Japaun ajuda osan ituan hodi hadia salaun emerzensia HNGV,” dehan Ana Isabel Soares iha nia diskursu iha Embaixada Japaun Faról, Kuarta foin lalais.

Governu Japaun Laos ajuda ba ida ne’e de’it maibe sempre ajuda Ministeriu iha parte saúde nian hotu iha teritoriu  TL.

Iha tempu badak mos Ministeriu saude sei halo tan asina akordu ho Governu Japaun atu ajuda tan kona ba ekipamentus mediku iha HNGV.

Tanba ne’e hein katak asina ida ne’e sei sai realidade konkreta no Ministeriu mos aprova ona ida ne’e sei iha prosesu nia laran.

Ba oin Governu Japaun sei ajuda  importante tenke justifika klaru katak buat ne’ebé maka presija sira sei suporta.

Alende ne’e mos Governu Japaun atu hadia tan postu saude iha suku Bua Nurak postu administrative Ossu munisipoiu Vikeke tanba kondisaun postu ne’e mos at los.

Rate this item
(0 votes)

Independente Digital TV